ރައީސް ޞާލިހާއި ޤާސިމް ބައްދަލު ކުރައްވަނީ
ރައީސުލްޖުމްހޫރިއްޔާ އިބްރާހިމް ޞާލިހާއި ޖުމްހޫރީ ޕާޓީގެ ލީޑަރ ޤާސިމް އިބްރާހިމް ބައްދަލު ކުރައްވައިފިއެވެ.
ރައީސް ޞާލިހާއި ބައްދަލު ކުރެއްވުމަށް ޤާސިމް ރައީސް އޮފީހަށް ވަދެވަޑައިގަންނަވާ މަންޒަރު ފެންނަ ވީޑިއޯއެއް މިހާރު ދަނީ ސޯޝަލް މީޑިއާގައި ދައުރުވަމުންނެވެ.
މިބައްދަލުވުމައި ބެހޭ އިތުރު މަޢުލޫމާތެއް، އެއްވެސް ފަރާތަކުން އަދި ހާމަކޮށްއެއް ނުވެއެވެ.
އަންނަ ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރެއްވުމަށް ރިޔާސީ ޓިކެޓު ލިބިވަޑައިގަންނަވާފައިވާ ރައީސް ޞާލިހަށް ތާއިދުކުރާކަން އަދާލަތު ޕާޓީއާއި އެމްޑީއޭއިން ވަނީ ހާމަކޮށްފައެވެ.
އެހެންނަމަވެސް ޖުމްހޫރީ ޕާޓީން ވަނީ ރިޔާސީ އިންތިޚާބުގައި ވާދަކުރެއްވުމަށް ނިންމަވައިފައެވެ.
ޖުމްހޫރީ ޕާޓީ (ޖޭޕީ) އިން އިސްވެ އޮންނަ ކޯލިޝަނެއް ހަދައި ކުރިއަށް އޮތް ރިޔާސީ އިންތިޚާބުގައި ވާދަކުރުމަށް ނިންމާފައިވަނީ ޖޭޕީ ޤައުމީ ކޮންފަރެންސް ގައެވެ.
