އަލްހަމްދުލިالله. ޔޫންގެ ސާޖަރީ ކާމިޔާބު
މަޝްހޫރު ފިލްމީތަރި ޔުނާންގެ ދަރިފުޅު ޔޫން މުހައްމަދު ޔުނާންގެ ހިތުގެ އޮޕަރޭޝަން ކާމިޔާބު ކަމަށާއި އަދި ޔޫންގެ ހާލު ރަނގަޅު ކަމުގައި ޔޫންގެ މަންމަ ފާތިމަތު ރިހްލާ (ރިހޫ) ބުނެފިއެވެ.
ރިހޫ މިކަން އާއްމުކޮށް އަންގާފައިވަނީ އޭނާގެ އިންސްޓަގްރާމް ސްޓޯރީ މެދުވެރިކޮށެވެ.
އުފަންވީއިރު ވެސް ހިތުގެ މައްސަލަތަކެއް ހުރި ޔޫން، ބޭސް ފަރުވާއަށް އިންޑިއާ އަށް ފުރާފައިވަނީ މިދިޔަ ޖުލައި މަހުގެ 29 ވަނަ ދުވަހުގައެވެ. އަދި އޮޕަރޭޝަން ކުރަން ވައްދާފައިވަނީ މިއަދު ހެނދުނު 7:30 ގައެވެ.
އަށް ގަޑިއިރުގެ އެއޮޕަރޭޝަން ކާމިޔާބު ވެފައިވާކަން އަންގާފައިވަނީ މީގެ ކުޑަ އިރުކޮޅެއް ކުރިންނެވެ.
"ދެން" އާއި ވާހަކަ ދައްކަމުން ރިހޫ ބުނީ ޔޫން މިވަގުތު އޮތީ ވެންޓިލޭޓަރ ގައި ކަމަށާއި ހާލު ރަނގަޅު ކަމަށެވެ.
"ދަރިފުޅު އޮތީ ވެންޓިލޭޓަރުގައި. ހާލު ރަނގަޅު. އޮޕަރޭޝަން ކުރިއަށް ދިޔަ ވަގުތަކީ ވަރަށް ވެސް ހާސްކަން ބޮޑުވި ވަގުތެއް. ނޭވާ ހިފަހައްޓާލައިގެން ހަމަ ހުންނަން ޖެހުނީ" ރިހޫ ބުންޏެވެ. މިފުރުސަތުގައި ޔޫން އަށް ހެޔޮ ދުޢާ ކޮށްދިން އެންމެހާ ފަރާތްތަކަށާއި ޔޫން އަށް ފަރުވާ ކުރުމުގައި އެންމެ އިސްކޮށް އުޅުނު ޑރ. ސުނީލް އަށާއި ޑރ. އެލީނާ އަށް ވަރަށް ޚާއްސަ ޝުކުރެއް ޔުނާން އާއި ރިހޫ އަދާކޮށްފައިވެއެވެ.
ދަރިފުޅާއެކު ދެމަފިރިން ފެންނަ ފޮޓޯއިން ހާދަ އަސަރު ކުރުވައޭ.
ވަރަށް އުފާ ވެއްޖެ