ކޮވިޑާއި ރޯގާ އިތުރުވާތީ، ސަމާލުވުމަށް އެދިއްޖެ

ކޮވިޑް-19 އާއި އަރިދަފުސް ރޯގާ އިތުރުވަމުންދާތީ ރައްކާތެރިކަމުގެ ފިޔަވަޅުތައް އެޅުމަށް ހެލްތު ޕްރޮޓެކްޝަން އެޖެންސީއިން އިލްތިމާސް ކުރައްވައިފިއެވެ.

Ads by STELCO

އެޗްޕީއޭ އާންމުކުރެއްވި ތަފާސް ހިސާބުތަކުން ދައްކާ ގޮތުގައި، ކުރިއާ އަޅާބަލާއިރު، ކޮވިޑު ކޭސްތައް ފެންނަ މިންވަރު ވަނީ އިތުރުވެފައެވެ.

މިހާރު ފެތުރެމުން އަންނަ ބަލިތަކުން ރައްކާތެރިވުމަށްޓަކައި، އެޅިދާނެ މުހިންމު ފިޔަވަޅުތަކުގެ ތެރޭގައި ސައިބޯނި ލައިގެން ގިނަގިނައިން ރަނގަޅަށް އަތް ދޮވުމާއި، ސާފުތާހިރު ކަމަށް އިސްކަން ދިނުމުގެ އިތުރުން، މީހުންގެ ތެރެއަށް ނުކުމެ އުޅޭއިރު މާސްކް އެޅުމާއި ކޮވިޑުގެ ވެކްސިންތައް ފުރިހަމަކުރުން ހިމެނެއެވެ.

ކޮވިޑާ ރޯގާއިން ސަލާމަތްވުމަށް ރައްކާތެރިކަމުގެ ފިޔަވަޅުތައް އެޅުމަށް އެޗްޕީޭއިން އިލްތިމާސް ކުރެއްވިއިރު، މި ހިނގާ އޭޕްރީލް ދެވަނަ ދުވަހުން ފެށިގެން އަށްވަނަ ދުވަހުގެ ނިޔަލަށް 84 މީހަކު ވަނީ ކޮވިޑަށް ޕޮޒިޓިވް ވެފައިވާއިރު، އޭގެކުރީ ހަފުތާގައި ޕޮޒިޓިވްވީ 39 މީހުންނެވެ.

މި އަހަރުގެ ކުރީކޮޅާ އަޅާބަލާއިރު، ފެބުރުވަރީ މަހު އަރިދަފުސް ރޯގާ ޖެހިގެން ރިޕޯޓުކުރި އަދަދު ވެސް ވަނީ އިތުރުވެފައެވެ.