ފުވައްމުލަކުގައި އެކްސިޑެންޓެއް ހިނގައި، ދެ މީހަކަށް އަނިޔާވެއްޖެ

ފުވައްމުލަކު ސިޓީގައި ދެ ސައިކަލެއް ޖެހި ރޭ ހިނގި އެކްސިޑެންޓެއްގައި ދެ ޒުވާނަކަށް އަނިޔާވެއްޖެއެވެ.

Ads by STELCO

ފުލުހުން ވިދާޅުވީ، ފުވައްމުލަކުގައި ދެ ސައިކަލު ޖެހި އެކްސިޑެންޓެއް ހިނގާފައިވާކަމުގެ މަޢުލޫމާތު ފުލުހުންނަށް ލިބިފައި ވަނީ ރޭ 11:25 ހާއިރު ކަމަށެވެ.

އެކްސިޑެންޓްގައި 18 އަހަރުގެ މީހަކާއި 19 އަހަރުގެ މީހަކަށް އަނިޔާވެފައިވާއިރު، ދެ މީހުންނަށް ވެސް ފުރަތަމަ ފަރުވާ ދިނީ ފުވައްމުލަކު ހޮސްޕިޓަލުގައެވެ. އަދި އިތުރު ފަރުވާއަށް މިއަދު ހެނދުނު ވަނީ އެމްއެންޑީއެފް ހެލިކޮޕްޓަރުގައި މާލެ ގެނެސްފައެވެ.

މި މައްސަލަ ފުލުހުން އަންނަނީ ބަލަމުންނެވެ.