މަޑިފުށިން އުމުރުން ދުވަސްވީ މީހަކު ކޮވިޑަށް ފައްސިވެއްޖެ

ތ. މަޑިފުށިން އުމުރުން ދުވަސްވީ މީހަކު ކޮވިޑް-19 އަށް ފައްސިވެއްޖެއެވެ.

Ads by STELCO

މަޑިފުށީ ކައުންސިލުން ބުނީ، އެރަށުން ކޮވިޑް-19އަށް ފައްސިވެފައި ވަނީ އުމުރުން 54 އަހަރުގެ ދިވެހި ފިރިހެނެއް ކަމަށެވެ.

އޭނާއަކީ، 02 އޮގަސްޓްގައި މާލެއިން މަޑިފުއްޓަށް ގޮސް ހޯމް ކަރަންޓީނުގައި ހުރި މީހެކެވެ. އޭނާ ކޮވިޑަށް ފައްސިވެފައިވާ ކަން އެނގިފައިވަނީ، ފުރަބަންދު ކަރަންޓީންގެ 14 ދުވަސް ހަމަވުމުން އިއްޔެ ސާމްޕަލް ނަގައި ޓެސްޓް ކުރުމުންނެވެ.

ފުރަބަންދު ކަރަންޓީންގައި ހުރި މީހަކު މަޑިފުށިން ފައްސިވުމާ ގުޅިގެން، އެރަށަށް އަރައިފޭބުން މިހާރުވަނީ ވަގުތީގޮތުން މަނާކޮށްފައި ކަމަށް މަޑިފުށީ ކައުންސިލުން ވަނީ ބުނެފައެވެ.