ރައްޔިތުން އަޅުގަނޑުމެން މަޖިލީހަށް އިންތިހާބުކުރީ ރައީސް ޞާލިޙަށް ސަނާކިޔާކަށް ނޫން: އާޒިމް ަ

މަޖިލީހަށް މެމްބަރުން އިންތިހާބުކޮށްފައި ތިބީ ރައީސުލްޖުމްހޫރިއްޔާއަށް ސަނާކިޔަން ނޫން ކަމަށް ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު ޢަލީ އާޒިމް ވިދާޅުވެއްޖެއެވެ.
އާޒިމް ވިދާޅުވީ ރައްޔިތުން މަޖިލީހަށް މެމްބަރުން އިންތިހާބުކޮށްފައި ވަނީ ކަންބޮޑުވުންތަކުގެ ވާހަކަ ދައްކައި ރައްޔިތުންނަށް ދިމާވާ ދަތިތަކަށް ހައްލުހޯދައިދިނުމަށް ކަމަށެވެ.
އެހެންނަމަވެސް އެކަން ކުރުމުހެ ބަދަލުގައި ސަރުކާރަށް ނިސްބަތްވާ އެމްޑީޕީގެ މެމްބަރުން ކުރި ހަމައެކަނި ކަމަކީ ރައީސް ޞާލިޙާއި ވަޒީރުންނަށް ސަނާކިޔުން ކަމަށާއި ރައްޔިތުންގެ ކަންބޮޑުވުންތަކުގެ ވާހަކަ ދައްކާ އަޑެއް ނީވޭނެ ކަމަށް އާޒިމް ވިދާޅުވިއެވެ.
“ ކޮންމެ ދުވަހަކު އަޅުގަނޑު އަޑުއަހާ އަޑެއް މިއީ، ހާއްސަކޮށް އަޅުގަނޑުގެ ފުރަގަހުގައި އިންނެވި ހަނިމާދޫ ދާއިރާގެ މެމްބަރު އިށީންނަވާ ގޮތަށް ބުނާނީ ކޮބާ މިއަދު އެއްޗެއް ލިބޭ ވަރަށް ވާހަކަ ދެއްކިއްޖެތޯއޭ. މިނޫން އެއްވެސް ކަމެއް މިތާ ކުރާތަނެއް ނުފެންނާނެ” އާޒިމް ވިދާޅުވިއެވެ.
އާޒިމް އިތުރަށް ވިދާޅުވީ ރައްޔިތުން ދިރިއުޅެމުންދަނީ އުނދަގުލުން ކަމަށާއި ދަރުކާރުން “ހެސްކިޔާފަ އިސްރާފު” ކުރަމުންދާ ކަމަށެވެ. އަދި ރައީސް ޞާލިޙާއި މެމްބަރުންނަށް ސަނާ ކިޔާފައި ނިކުންނަ ކޮންމެ ދުވަހަކު ކޮންމެވެސް އެޗެއް އެމީހުންނަށް ލިބޭ ކަމަށް އާޒިމް ތުހުމަތު ކުރެއްވިއެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.