އީވާގެ މައްސަލަ ނުހިމަނާ, މަޖިލީހުގެ މާދަމާގެ އެޖެންޑާ ނެރެފި
ރައްޔިތުންގެ މަޖިލީހުގެ މާދަމާގެ ޖަލްސާ އޮންނަ ކަމަށް އަންގައި އެޖެންޑާ ރައްޔިތުންގެ މަޖިލީހުން އާންމުކޮށްފިއެވެ.
މާދަމާ އެޖެންޑާކޮށްފައިވަނީ ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲ މަގާމުން ވަކި ކުރުމަށް ވައްދާފައިވާ ގަރާރު ހުށަހެޅުން ނުހިމަނައެވެ.
މާދަމާގެ ޖަލްސާ ހެދުނު 9:00 ގައި ފަށަން އެޖެންޑާ ކޮށްފައިވާއިރު، އެޖެންޑާގައި އޮތް ގޮތުން ފުރަތަމަ މަސައްކަތަކީ ތިނަދޫ އުތުރު ދާއިރާގެ މެންބަރު ޢަބްދުލްމުޣުނ،ީ މިނިސްޓަރ އޮފްޓަރ އޮފް ޓްރާސްޕޯޓް އެންޑް ސިވިލްއޭވިއޭޝަން އައިޝަތު ނަހުލާއާއި ސުވާލު ކުރުމެވެ.
ދެން ހުރީ މަޖިލީހުގައި ނުނިމި ހުރި މަސައްކަތްތައް އެޖެންޑާކޮށްފައެވެ. މާދަމާގެ ޖަލްސާގައި މަޖިލީހަށް ހުށަހަޅާފައިވާ އިތުބާރު ނެތްކަމުގެ މައްސަލައެއް އެޖެންޑާކޮށްފައި ނުވެއެވެ.
ރައްޔިތުންގެ މަޖިލީހުގެ ރިޔާސަތު ބެލެހެއްޓެވުމަށް އުޒުރުވެރިވެ ވަޑައިގަންނަވާ ކަމަށް މަޖިލީހުގެ ރައީސް ރައީސް މުހައްމަދު ނަޝީދު މަޖިލީހުގެ އަމީން އާންމަށް ވަނީ އަންގަވާފައެވެ. މަޖިލީހުގެ ރިޔާސަތުގައި އިންނަވާނެ ބޭފުޅެއް ސާފެއް ނޫނެވެ.
އީވާގެ މައްސަލަ ނުހިނަމައި ރައްޔިތުންގެ މަޖިލީހުގެ މާދަމާގެ އެޖެންޑާ ނެރެފައި މި ވަނީ އެ މައްސަލަ އެޖެންޑާކޮށްދިނުމަށް ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީން ދެ ފަހަރެއްގެ މަތިން އެދިފައި އޮއްވައެވެ.
