Sunday, 22 November 2026
Advertisement
Ooredoo — Article-Top (leaderboard)
ޚަބަރު

ގުޅެން ޖެހުނު ކޮންމެ ބަޔަކާ ގުޅިގެންވެސް ރިޔާސީ އިންތިޚާބު ކާމިޔާބު ކުރާނަން: ވައްޑެ

ގުޅެން ޖެހުނު ކޮންމެ ބަޔަކާ ގުޅިގެންވެސް ރިޔާސީ އިންތިޚާބު ކާމިޔާބު ކުރާނަން: ވައްޑެ

އަންނަ ސެޕްޓެންބަރު މަހު އޮންނަ ރިޔާސީ އިންތިޚާބުގައި ގުޅެން ޖެހުނު ބަޔަކާ ގުޅިގެން ނިކުމެ ރިޔާސީ އިންތިޚާބު ކާމިޔާބު ކުރާނެ ކަމަށާއި, ދެން އަންނާނީ އެ ޕާޓީގެ ހިއްސާ އޮންނަ ސަރުކާރެއް ކަމަށް, ދަ ޑިމޮކްރެޓްސްގެ ރައްޔިތުންގެ މަޖިލިސްގެ އުނގޫފާރު ދާއިރާގެ މެންބަރު މުޙައްމަދު ވަހީދު (ވައްޑެ) ވިދާޅުވެއްޖެއެވެ.

ވައްޑެ މިހެން ވިދާޅުވީ, އަލަށް އުފެއްދުމަށް މަސައްކަތް ކުރަމުން އަންނަ އެ ޕާޓީ ހަރުގޭގައި ރޭ ކުރިޔަށްދިޔަ ޖަލްސާގައި ދެއްކެވި ވާހަކަފުޅުގައެވެ.

”އަޅުގަނޑުމެން މިދަނީ އަލުން މި ހަރުގޭގައި ސަފުތައް ރުކުލަވާލައިގެން, ކުރިޔަށް އޮތް ރިޔާސީ އިންތިޚާބަށް ތައްޔާރުވަމުން. އަޅުގަނޑުމެން އިރާދަ ކުރެއްވިއްޔާ ގުޅެން ޖެހުނު ބަޔަކާއެކީގައި ނިކުމެ, މި ރިޔާސީ އިންތިޚާބު ކާމިޔާބު ކުރާނަން. އަންނަ ނޮވެންބަރު މަހު އުފެދޭނީ އަޅުގަނޑުމެން ހިއްސާވާ ސަރުކާރެއް“ ވައްޑެ ވިދާޅުވިއެވެ.

Advertisement
Allied Insurance — Square (box)

ވައްޑެގެ ވާހަކަފުޅުގައި އިތުރަށް ވިދާޅުވީ, “ރައީސް ޞާލިޙަށް މި އިންތިޚާބު ކާމިޔާބު ނުކުރެވޭނެކަމީ ކުޑަވެސް ޝައްކެއް ހިނގާ ކަމެއް ނޫން.” ކަމަށާއި ރައީސް ޞާލިޙް އަމިއްލަފުލަށް ބަލި އިއުލާން ކުރައްވާފައިވާ ކަމަށެވެ. ވައްޑެ އިޝާރާތް ކުރެއްވީ, އިންތިޚާބުން މޮޅުވާނެ ފޯމިއުލާއަކީ ކޯލިޝަން ކަމަށް ރައީސް ޞާލިޙް ވިދާޅުވި, ވިދާޅުވުމެވެ.

”އެމަނިކުފާނާއެކު ޕާޓީއަކަށްވާކަހަލަ ޕާޓީއެއް ނެތް, ޖުމްހޫރީ ޕާޓީއެއް ކޯލިޝަނެއް ނުހެދި. އެމްއާރުއެމްއެއް ކޯލިޝަނެއް ނުހެދި. އަދާލަތު ޕާޓީގެ ވަޒީފާގައި ތިބި މަދު ބަޔަކު ހެދި ނަމަވެސް, އާއްމު މެންބަރުން ތިބީ ސަރުކާރާއެކުއެއް ނޫން. އެމްޑީޕީ ފަޅާލައްވައިފި.” ވައްޑެ ވިދާޅުވިއެވެ.

ރައީސް ޞާލިޙާއެކު ކޯލިޝަން ހައްދަވާފައިވަނީ ހަމައެކަނި އަދާލަތު ޕާޓީއާއި ސަން ޝިޔާމްގެ އެމްޑީއޭއިންނެވެ.

”ރައީސް އިބްރާހީމް މުޙައްމަދު ޞާލިޙަކީ މި ރާއްޖޭގައި ހިނގާނެ ޗޮއިސްއެއް ނޫން. ކުރިޔަށް މިއޮޮތް 84 ދުވަސް ފަހުން, ފާރުގައި ބަހައްޓާ ފޮޓޯގަނޑެއް ފިޔަވާ އިތުރު އެއްވެސް ދަރަޖައެއް އެމަނިކުފާނަކަށް ނޯންނާނެ.” ރައީސް ޞާލިހަށް އިންތިޚާބު ކާމިޔާބު ނުކުރެވޭނެކަން ތަކުރާރު ކުރައްވަމުން ވިދާޅުވިއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.