ރޭޕް ކޭސް: ރިސޯޓު މުވައްޒަފުގެ ޕާސްޕޯޓު ހިފަހައްޓައިފި
އުމުރުން 26 އަހަރުގެ ޗައިނާ ފަތުރުވެރިޔަކު، ކ. އަތޮޅު ރިސޯޓެއްގައި ޗުއްޓީ ހޭދަކުރަމުން ދަނިކޮށް އޭނާ ރޭޕްކުރި ކަމަށް ތުހުމަތު ކުރެވޭ ރިސޯޓު މުވައްޒަފުގެ ޕާސްޕޯޓު ހިފަހައްޓައިފިއެވެ.
ފުލުހުން ވިދާޅުވީ އެ މައްސަލާގައި ޕާސްޕޯޓު ހިފަހައްޓާފައިވަނީ އުމުރުން 30 އަހަރުގެ ޒުވާނެއްގެ ކަމަށެވެ. އަދި ޕާސްޕޯޓު ހިފަހައްޓާފައިވަނީ، އޭނާގެ ޕާސްޕޯޓު ހިފެހެއްޓުމުގެ ކޯޓު އަމުރަކަށް އެދުމުން އިއްޔެ ކަމަށްވެސް ފުލުހުން ހާމަކޮށްފައި ވެއެވެ.
އަތޮޅުގައި އޮންނަ ރިޓްޒް ކާލްޓަން މޯލްޑިވްސް، ފަރި އައިލެންޑް ރިޒޯޓުގައި ރޭޕް ކުރި ޔޯލީ ޔިޓޮންގް ނަމަކަށް ކިޔާ މި ފަތުރުވެރިޔާއަކީ އޮސްޓްރޭލިއާގެ ސިޑްނީގައި ދިރިއުޅެމުން އަންނަ ޒުވާން އަންހެން ކުއްޖެކެވެ. ރާއްޖޭގެ ރިސޯޓެއްގައި އޭނާ ރޭޕް ކުރި ވާހަކަ, ޓްވީޓް ކުރުމާއެކު ގިނަ ބައެއްގެ ސަމާލުކަމަށް އެކަން ވަނީ އައިސްފައެވެ.
އަލަށް ހުޅުވި އެކައުންޓަކުން އެ ވާހަކަތައް ކިޔައިދިންއިރު, ޖުމްލަ 3.4 މިލިޔަން މީހުންނަށްވުރެ ގިނަ މީހުންނަށް އޭނާގެ ޓްވީޓް ފެނިފައިވެއެވެ. އެ ޓްވީޓް ވަނީ 34ހާސް މީހުން ރީޓްވީޓްކޮށްފައެވެ. އަދި 20ހާސް މީހުން ޓްވީޓަށް ލައިކް ދީފައިވެއެވެ.
