ހުޅުމާލޭގައި ކާރަކާއި ސައިކަލެއް ޖެހި، ހިނގި އެކްސިޑެންޓެއްގައި ދެ މީހަކަށް އަނިޔާވެއްޖެ

ހުޅުމާލޭގައި ކާރަކާއި ސައިކަލެއް ޖެހިގެން ހިނގި އެކްސިޑެންޓެއްގައި ދެމީހަކަށް އަނިޔާވެއްޖެއެވެ.

Ads by Hajj Corporation

ފުލުހުން ވިދާޅުވީ ހުޅުމާލޭގައި ކާރަކާއި ސައިކަލެއް ޖެހިގެން އެކްސިޑެންޓެއް ހިނގާފައިވާކަމުގެ މައުލޫމާތު ފުލުހުންނަށް މިއަދު 12:47 ގައި ލިބިފައިވާކަމަށާއި، މި އެކްސިޑެންޓުގައި އަނިޔާވެފައިވާ ދެމީހުންނަކީ ސައިކަލުގައި ތިބި ދެމީހުންކަމަށެވެ.

މި އެކްސިޑެންޓުގައި އަނިޔާވި ދެމީހުންނަށް ހުޅުމާލެ ހޮސްޕިޓަލުގައި ފަރުވާ ދެމުންދާއިރު، ލިބުނު އަނިޔާގެ ތަފްސީލެއް ފުލުހުން ހާމައެއް ނުކުރެއެވެ.

އަދި މި އެކްސިޑެންޓާ ގުޅިގެން ބަލަންޖެހޭ ކަންކަން މިހާރު ބަލަމުންދާކަމަށްވެސް ފުލުހުން މައުލޫމާތު ދެއެވެ.