އޭދަފުށީގައި ހުރި ގުދަނަކުން ބިޔަރުދަޅުތަކަކާއި ރާފުޅިތަކެއް ފުލުހުންގެ ބެލުމުގެ ދަށަށް ގެންގޮސްފި

އޭދަފުށީގައި ހުރި ގުދަނަކުން ބިޔަރުދަޅުތަކަކާއި ރާފުޅިތަކެއް ފުލުހުންގެ ބެލުމުގެ ދަށަށް ގެންގޮސްފިއެވެ.

މި ރާފުޅިތަކާއި ބިޔަރުދަޅުތައް ފުލުހުންގެ ބެލުމުގެ ދަށަށް ގެންގޮސްފައިވަނީ، އޭދަފުށީ ފުލުހުންނަށް ލިބުނު މައުލޫމާތަކާއި ގުޅިގެން 3 ޖުލައިގައި ހިންގި އޮޕަރޭޝަނެއްގައި ކަމަށް ފުލުހުން މަޢުލޫމާތު ދެއްވައެވެ. އެ ގުދަން ބަލައި ފާސްކުރިއިރު 43 ދަޅު ބިޔަރާއި 5 ރާފުޅި ފެނިފައިވެއެވެ.

ބިޔަރުދަޅުތަކާއި ރާފުޅިތައް ފެނުނު މައްސަލައިގައި މިހާތަނަށް އެއްވެސް މީހަކު ހައްޔަރުކޮށްފައިނުވިނަމަވެސް، ބ. އޭދަފުށީ ފުލުހުން ދަނީ އެ މައްސަލަ ތަޙްޤީޤްކުރަމުންނެވެ.