Tuesday, 17 November 2026
Advertisement
Ooredoo — Airfibre (leaderboard)
ސިޔާސީ

ކުރީގެ ނާމާން ދުވަސްތައް އަލުން އަންނާކަށް އެކަކުވެސް ނޭދޭނެ: ޑރ. އިޔާޒު

ކުރީގެ ނާމާން ދުވަސްތައް އަލުން އަންނާކަށް އެކަކުވެސް ނޭދޭނެ: ޑރ. އިޔާޒު

ކުރީގެ ނާމާން ދުވަސްތައް އަލުން އަންނާކަށް ބުއްދި ސަލާމަތުންހުރި އެކަކުވެސް ނޭދޭނެކަމަށް ޑރ. މުޙައްމަދު އިޔާޒު ވިދާޅުވެއްޖެއެވެ.

އިޔާޒު ކުރެއްވި ޓްވީޓެއްގައި މިހެން ވިދާޅުވެފައިވަނީ އެމްޑީޕީގެ ރިޔާސީ ކެމްޕޭން ފެއްޓެވުމަށް އިއްޔެ ށ. އަތޮޅަށް ރައީސް ޞާލިޙު ވަޑައިގެން އެ އަތޮޅު ފޯކައިދޫގައި އެމަނިކުފާނު ދެއްކެވި ވާހަކަފުޅުތަކަށް ތާއީދުކުރައްވަމުންނެވެ.

އެގޮތުން، ރައީސް ޔާމީނުގެ ވެރިކަމުގައި ރައްޔިތުން އުޅުނު ގޮތާއި މިހާރަށް ބަލާއިރު، އޭރު އޮތް ނާމާން ދުވަސްތަކަށް އަލުން ދާން އެދޭނެ އެއްވެސް ރައްޔިތަކުން ނުހުންނާނެކަމަށް ރައީސް ޞާލިޙު ވިދާޅުވެފައިވެއެވެ.

Advertisement
Ooredoo — Truecaller (box)

ރައީސްގެ ވާހަކަފުޅަށް ތާއީދުކުރައްވަމުން ޑރ. އިޔާޒު ވިދާޅުވީ ހަމަ ބުއްދި ސަލާމަތުންހުރި އެއްވެސް މީހަކު، އެފަދަ ނާމާން ދުވަސްތަކެއް އަލުން ދެކެން ބޭނުންނުވާނެކަމަށެވެ.

ރައީސް ޞާލިޙާއެކު އެމަނިކުފާނުގެ ކެމްޕޭނުގެ ފުރަތަމަ ދަތުރުފުޅުގައި އަދާލަތު ޕާޓީގެ ރައީސް އިމްރާނުވެސް ބައިވެރިވެވަޑައިގެން ވާހަކަފުޅު ދައްކަވާފައިވެއެވެ.

އިމްރާން ވިދާޅުވެފައިވަނީ ރާއްޖެ ދެކެމުން މިދާ ހުރިހާ ތަރައްޤީއަކާއި އުފަލަކާއި ކުރިއެރުމެއް ގެނެސްދެވެނީ ރައީސް ޞާލިޙުގެ ކޯލިޝަނުގައި އެންމެން އެކުވެ ބައިވެރިވެގެން މަސައްކަތްކުރާތީކަމަށާއި، ށ. އަތޮޅުން އެ ކޯލިޝަނުގެ ސަޕޯޓަރުން ދެއްކި ފޯރިއާއި ޖޯޝު ރާއްޖޭގެ އެހެން ހިސާބުތަކުންވެސް ދައްކުވައިފިނަމަ، ކުރިއަށް އޮތް ރިޔާސީ އިންތިޚާބުގައި ރައީސް ޞާލިޙު އެއްބުރުން އެ އިންތިޚާބު ކާމިޔާބު ކުރައްވާނެކަމަށެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.