ކުރީގެ ޑައިރެކްޓަރު ފައްތާޙު ޕީޕީއެމަށް

ރާއްޖޭގެ ކުރީގެ މަޝްހޫރު ފިލްމު ޑައިރެކްޓަރު އަބްދުލް ފައްތާޙު އިދިކޮޅު މައި ޕާޓީ، ޕީޕީއެމަށް ސޮއިކޮށްފިއެވެ.

އޭނާ އެ ޕާޓީ އަށް ސޮއިކުރީ ރޭ ބޭއްވި އިވެންޓެއްގައެވެ. ފައްތާހްގެ ފޯމާ ޕީޕީއެމްގެ ފަރާތުން ހަވާލުވެވަޑައިގެންނެވީ އިދިކޮޅު ކޯލިޝަން ހިންގެވުމާއި ޙަވާލުވެވަޑައިގެން ހުންނެވި ޕީއެންސީގެ ރައީސް އަބްދުއްރަޙީމްއެވެ.

ފައްތާޙަކީ ދިވެހި ފިލްމީ ދާއިރާގައި އެތައް ދުވަހަކު މަސައްކަތް ކޮށް، ކާމިޔާބު އެތައް ފިލްމެއް ބެލުންތެރިންނަށް ގެނެސްދިން ފަރާތެކެވެ.

އޭނާގެ އެންމެ ފަހުން ނެރުނު ފިލްމަކީ، 2017 ވަނަ އަހަރު ނެރުނު ފިލްމު "ހައްދު"އެވެ. އޭގެ ފަހުން ފިލްމީ ދާއިރާއާއި ދުރަށް ގޮސް އޭނާ މިހާރު އަންނަނީ ކެފޭއެއް ހިންގަމުންނެވެ.