ފާރިސްގެ ރަނިންމޭޓަކަށް ޑރ. ސައްތާރު

އަންނަ ސެޕްޓެންބަރު މަހު އޮންނަ ރިޔާސީ އިންތިހާބުގައި އަމިއްލަ ގޮތުން ވާދަކުރެއްވުމަށް އިއުލާންކުރައްވާފައިވާ, ފާރިސް މައުމޫންގެ ރަނިންމޭޓަކަށް ޑރ. އަބްދުއްސައްތާރު ޔޫސުފް ހަމަޖައްސަވައިފިއެވެ.

Ads by Hajj Corporation

މިކަން ހާމަކުރައްވާ މިއަދު އާއްމު ކުރެއްވި ވީޑިއޯއެއްގައި ފާރިސް ވިދާޅުވީ ޑރ. އަބްދުއްސައްތާރު ޔޫސުފަކީ ދިވެހި ރާއްޖެއަށް ވަރަށް ގިނަ ޚިދުމަތްތަކެއް ކޮށްދެއްވާފައިވާ ޤާބިލު ބޭފުޅެއް ކަމަށެވެ.

ފާރިސްގެ ރަނިންމޭޓްކަން ޤަބޫލު ކުރައްވަމުން ޑރ. އަބްދުއްސައްތާރު ޔޫސުފް ވިދާޅުވީ, ފުރުސަތު ދެއްވި ކަަމަށްޓަކައި ޝުކުރު ދަންނަވާ ކަމަށާއި އެކުގައި ރާއްޖެއަށް އެދޭފަދަ ބަދަލެއް ގެނެވޭނެ ކަމަށް އުންމީދު ކުރައްވާ ކަމަށެވެ.