ކުންފުނިތަކަށް ލިބެންޖެހޭ ފައިސާ ސަރުކާރުން ނުދައްކާނަމަ، އެ ފައިސާ ދެން ލިބޭނީ ޖޫރިމަނާއާ އެކީ: އިލްޔާސް
ސަރުކާރުގެ އޮފީސްތަކާއި ކުންފުނިތަކާއި ދެމެދު ކޮންޓްރެކްޓް އުޞޫލް މަސައްކަތްކުރެވި، ކޮންޓްރެކްޓްގައިވާ ގޮތަށް ދައްކަންޖެހޭ ފައިސާ ސަރުކާރުން ނުދައްކާނަމަ، އެ ފައިސާ ދެން ލިބެނީ ބިލު ހެދި ދުވަހުން ފެށިގެން ފައިސާ ދޫކުރާ ދުވަހުގެ ނިޔަލަށް، ޖޫރިމަނާ ފައިސާއާއެކުގައި ކަމަށް ދަ ޑިމޮކްރެޓްސްގގެ ރިޔާސީ ކެނޑިޑޭޓް އިލްޔާސް ލަބީބު ވިދާޅުވެއްޖެއެވެ.
އަންނަ މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ވާދަކުއްރައްވާ އިލްޔާސް ގދ އަތޮޅަށް ކުރައްވަމުން ގެންދަވާ ކެންޕެއިން ދަތުރުގައި ގދ. ގައްދޫގައި ބޭއްވި ޖަލްސާގައި ވާހަކަ ދައްކަވަމުން ވިދާޅުވީ އެތަކެއް ކުންފުނިތަކެއް ކޮންޓްރެކްޓްގެ ދަށުން ފައިސާ ހޯދުމަށް ބިލް ހުށަހެޅުމުން އެ ފައިސާ ނުދޭކަމަށެވެ.
އިލްޔާސް ވިދާޅުވީ ޑިމޮކްރަޓުންގެ ސަރުކާރެއްގައި ކްންޓްރެކްޓްގެ ދަށުން މަަސައްކަތްކޮށް، ބިލް ހުށަހެޅީމާ އެ ކޮންޓްރެކްޓްގައިވާ ދުވަހު ފައިސާ ނުދައްކައިފިނަމަ، ދެން އެ ފައިސާ ލިބޭނީ ޖޫރިމަނާ ފައިސާއާއެކުގައި ކަމަށެވެ. އައި އެއީ ރައްޔިތުންގެ ޙައްޤެއްކަމަށެވެ.
"އަޅުގަނޑުމެންގެ ސަރުކާރެއްގައި، ތިޔަ ބޭފުޅުން ސަރުކާރު ކުންފުންޏަކަށް ބިލެއްލީމާ، އެއެގްރީމެންޓްގައިވާ ދުވަހަށް ފައިސާ ނުދައްކާފައިވިއްޔާ އެފައިސާ ދެން ލިބޭނީ ޖޫރިމަނާއާ އެކީގައި. އެއީ ތިޔަ ބޭފުޅުންގެ ޙައްޤެއް!"
މިހާރުވެސް ވަރަށް ގިނަ ކުންފުނިތަކަށް ފައިސާ ނުދައްކާހުރިކަމަށާއި އެކަމުގެ ސަބަބުން އެތައް ގެއްލުމެއް ކުންފުނިތަކަށް ލިބެމުންދާކަމަށް އިލްޔާސް ފާހަގަކުރައްވާފައިވެއެވެ.
ބިލް ހަދާ ދުވަހުން ފެށިގެން ޓެކްސް ގުނަންފަށާކަމަށާއި، ސަރުކާރުން އެ ފައިސާ ކުންފުނިތަކަށް ނުދައްކާ ހުރުމުގެ ސަބަބުން ކުންފުނިތަކުން މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އަށް ފައިސާ ނުދެއްކި ލަސްވާ މައްސަލައާއި، މުވައްޒަފުންނަށް މުސާރަދިނުމަށް ދަތިވާކަމަށާއި އަދި ބައެއް ވިޔަފާއި ބަނގުރޫޓުވެފައި ހުރިކަމަށް ވެސް އިލްސާސް ވަނީ ވިދާޅުވެފައެވެ.
މި ޖަލްސާގައި އިލްޔާސް ވަނީ މަސްވެރިން ހޯދާ އާމްދަނީއަށް ބިނާކޮށް އެމީހުންނަށް ލިބެންޖެހޭ އިތުރު ފުރުސަތުތައް ހޯދަދޭންޖެހޭނެކަމަށާއި، ސަރުކާރުގެ ވަޒީފާތަކުގައި އުޅުއްވާ މުވައްޒަފުންނަށް ރައްކާތެރި މާޙައުލެއް ޤާއިމްކުރުމުގެ މުހިއްމުކަމަށާއި ރަށްތަކަށް ޓޫރިޒަމް ތަޢާރަފްކުރުމުގެ މުހިއްމުކަމަށް އަލިއަޅުއްވާފައެވެ.
ދަވްލަތުން އެއްވެސް ޖުރިމާނަ އެއް ދެއްކޭނީ އިހުމާލުވި މުވައްޒަފަކަށް ދައުވާކޮށް އެފައިސާއެއް އަބުރާ ހޯދޭގޮތަށް.
ދަވްލަތުން އެއްވެސް ޖުރިމާނަ އެއް ދެއްކޭނީ އިހުމާލުވި މުވައްޒަފަކަށް ދައުވާކޮށް އެފައިސާއެއް އަބުރާ ހޯދޭގޮތަށް. މާލިއްޔަތުގެ ގާނޫނަށް ބައްލަވާ.