ﷲ އަށް ޙަމްދުހުރި، އިހަވަންދޫން ކޮވިޑް-19 އަށް ފައްސިވި އެންމެން ބަލިން ރަނގަޅުވެއްޖެ
ހއ. އިހަވަންދޫން ކޯވިޑް-19 އަށް ފައްސިވި އެންމެން ބަލިން ރަނގަޅު ވެއްޖެއެވެ.
އެރަށުން ފައްސިވި އެންމެން ބަލިން ރަނގަޅު ވެފައިވަނީ ފައްސިވި މީހުންގެ ތެރެއިން ބަލިން ރަނގަޅުނުވެ ތިބި ދެމީހުން، ބަލިން ރަނގަޅުވެ ދޫކޮށްލުމުންނެވެ.
އިހަވަންދޫ އާމިނާ ދިޔޯ ޞިއްޙީ މަޒުކަޒުން މިއަދު ހާމަކުރި ގޮތުގައި އެރަށުން ކޯވިޑަށް ފައްސިވި އެންމެން ބަލިން ރަނގަޅުވުމާއި އެކު މިހާރު ވަނީ ދޫކޮށްލާފައެވެ.
އިހަވަންދޫއިން ޖުމްލަ 5 މީހަކު ކޮވިޑް19 އަށް ފައްސިވެފައިވެއެވެ.
އިހަވަންދޫން ފުރަތަމަ ކޮވިޑްގެ ކޭހެއް ފެނިފައި ވަނީ ފާއިތުވި ޖުލައި މަހުގެ 27 ވަނަ ދުވަހުގެ ރޭ މާލެއިން ފުރައިގެން އިހަވަންދޫއަށް ދަތުރުކުރި ޓޫފޯޓޫ ބޯޓުގެ ކޭޝިއަރުގެ ފަރާތުން ކޯވިޑުގެ އަލާމާތްތައް ފެނިގެން ޓެސްޓު ކުރުމުން ބައްޔަށް ޕޮޒިޓިވް ވުމުންނެވެ. އޭނާ ފައްސިވިކަން އެނގިފައިވަނީ އޯގަސްޓް 1 ވަނަ ދުވަހުއެވެ.
އިހަވަންދޫއިން 242 ބޯޓުގެ ކޭޝިއަރުގެ އިތުރުން އެ ބޯޓުގެ ކައްޕިއާއި، ތަޚުތު ބޯޓުގެ ދިވެހި ފަޅުވެރިއަކާއި އެ ބޯޓުގެ އިތުރު ދެ ބިދޭސީ ފަޅުވެރިޔަކު ވެސް ކޮވިޑް-19 އަށް ފައްސިވިއެެވެ.
