މުއިއްޒުގެ ވައުދު: ރޯދަމަހު ފަހު ދިހައިގައި ސަރުކާރު ބަންދު
ވެރިކަން ލިބިވަޑައިގެންފިނަމަ ރަމަޟާން މަހުގެ ފަހު 10 ގައި ސަރުކާރުގެ އޮފީސްތައް ބަންދު ކުރައްވާނެ ކަމަށް ޕީއެންސީގެ ރިޔާސީ ކެނޑިޑޭޓް ޑރ. މުޙައްމަދު މުޢިއްޒު ވިދާޅުވެއްޖެއެވެ.
މުއިއްޒު މިހެން ވައުދުވެ ވަޑައިގަތީ މިހާރު ރިޔާސީ ކެންޕެއިންނަށް އަތޮޅުތަކަށް ކުރައްވަމުން ގެންދަވާ ދަތުރުފުޅުގެ ތެރެއިން މިރޭ ބ. އޭދަފުށީގައި ބޭއްވި ޖަލްސާގައި ދެއްކެވި ވާހަކަފުޅުގައެވެ.
މުއިއްޒު މިފަދައިން ވައުދުވެ ވަޑައިގެންފައިވާއިރު, ފަހު ދިހައިގައި ސަރުކާރު މުވައްޒިފުން ގޭގައި ތިބެ މަސައްކަތް ކުރަން ޖެހޭ ގޮތަށް ހައްދަވާނެ ކަމަށް, މުއިއްޒުގެ ވާދަވެރި ކެނޑިޑޭޓް, އެމްޑީޕީގެ ރައީސް އިބްރާހީމް މުޙައްމަދު ޞާލިޙް ވަނީ ވައުދުވެ ވަޑައިގެންފައެވެ.
ސަރުކާރުގެ އޮފީސްތަކުގެ މުވައްޒިފުންގެ އިތުރުން ސްކޫލްތަކުގައި ތައުލީމް ހާސިލް ކުރާ ދަރިވަރުންގެ ތެރެއިން ގްރޭޑް އަށަކުން ދަށުގެ ދަރިވަރުންނަށް ވެސް ފަހު ދިހަ ބަންދު ވާނެ ކަމަށް މުއިއްޒު ވަނީ ވައުދުވެ ވަޑައިގެންފައެވެ.
މުއިއްޒު ވިދާޅުވީ އެގޮތަށް ފަހު ދިހައިގައި ސަރުކާރުގެ އޮފީސްތަކުގައި މަސައްކަތް ކުރާ މުވައްޒިފުންނަށް ބަންދެއް ދޭން ނިންމީ, އެ ދުވަސްވަރު އަޅުކަމައިގެން އުޅެން ފުރުސަތު ދިނުމަށް ކަމަށެވެ.
ތަފްސީލް އަންނަނީ
ރަގަޅު ނިންމުމެއް !
ރޯދަމަހު ފަހު ދިހަ ބަންދުކުރަނީ މުޅި ރާއްޖޭގަ ނާޗަރަނގި ކުޅެ މިޔުޒިކުޝޯ ބާއްވާ ބައިބަލާއާ ކުޅިވަރު މުބާރާތްތައް ކުޅެ އެދުވަސް ތަކުގެ ހުރުމްތް ކަނޑަން ފުރުސަތު ދޭނެގޮތެއް ހޯދަން. މި ލާދީނީ ފިޔާތޮށި ޕާޓީ މީ އަދި މާ އަޑި ނުބައި މުނާފިގު ވައްތަރު ބައެއް.
ރޯދަމަހު ވަރަށް ގިނަ މީހުން މަތްކާޔަށް އުމުރާޔަށް ދާންބޭނުންވޭ ވަރަށް ރަގަޅު ނިންމުމެއް، ރޯދަމަހަކީ އަޅުކަމުގެ މަހެއް ކުޅިވަރާއި މަޖާކުރުމާއި ނާޗަރަގީގެ މަހެއްނޫން، ސަރުކާރު ބަންދުކޮށް ރައްޔިތުންނަށް ލުއިފަސޭހަގޮތް ހީދާދިނުމަކީ ގޯސްކޮށް ކަންކަން ކުރަން ލިބޭ ފުރުސަތެއްނޫން،ހުރިހާ ރައްޔިތުންވެސް ރޯދަމަހު ތިމާގެ ނަފުސު ރަގަޅުކަންކަމުގައި ހޭދަކުރާނީ !
ސައްވާލުމަސްވެސް ބަންދުކޮއްލަމާ
ސާބަހޭ މުއިއްޒު މަގޭވޯޓު މުއިއްޒައް