Sunday, 22 November 2026
Advertisement
Allied Insurance (leaderboard)
ޚަބަރު

ރައީސް ޔާމީންގެ ފުރިހަމަ އިތުބާރު އަޅުގަނޑަށް އެބައޮތް, ވެރިކަމުގެ ފުރަތަމަ ދުވަހު އެމަނިކުފާނު މިވަން ކުރުމުގެ މަސައްކަތް ކުރާނަން: މުއިއްޒު

ރައީސް ޔާމީންގެ ފުރިހަމަ އިތުބާރު އަޅުގަނޑަށް އެބައޮތް, ވެރިކަމުގެ ފުރަތަމަ ދުވަހު އެމަނިކުފާނު މިވަން ކުރުމުގެ މަސައްކަތް ކުރާނަން: މުއިއްޒު
ރައީސް ޔާމީންގެ ފުރިހަމަ އިތުރުބާރު އެބައޮތް ކަމަށާއި، ވެރިކަމާއި ހަވާލުވެ ފުރަތަމަ ދުވަހު ރައީސް ޔާމީން ޤާނޫނީ ހަމަތަކުގެ މަތީީން މިނިވަން ކުރައްވާނެކަމަށް ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ. ދައުލަތުގެ މީޑިއާ، ޕީއެސްއެމާ ގުޅިގެން ސަންގު ޓީވީން ބާއްވާ ބަހުސްގައި ރައީސް ޔާމީންގެ އިތުބާރާއި، ގުޅޭގޮތުންނާއި، ވެރިކަމަށް ވަޑައިގެންފިނަމަ ޢަމަލު ކުރައްވާނެ ގޮތަކާއި ގުޅޭގޮތުން ކުރެވުނު ސުވާލުގައި މުއިއްޒު ވަރަށް އިތުބާރާއިއެކު ވިދާޅުވީ ޕީއެންސީގެ ރިޔާސީ ޓިކެޓް ލިބިވަޑައިގެންނެވީ ރައީސް ޔާމީންގެ ފުރިހަމަ އިތުބާރާއި އެކުގައިކަމަށެވެ. ރައީސް ޔާމީން ޖަލުން މިނިވަން ނުކުރާނެކަމަށް ހޯމް މިނިސްޓަރ އިމްރާން ވިދާޅުވެ ދެއްކެވި ވާހަކަތަކާއި ގުޅިގެން ކުރެވުނު ސުވާލުގައި މުއިއްޒު ވިދާޅުވީ ރައީސް ޔާމީން ޖަލުގައި އޮންނެނީ އިންސާފުން ބޭރުން ކުރެއްވި ނާއިންސާފު ހުކުމަކުން ކަމަށެވެ. ވެރިކަމާއި ހަވާލުވެ ކުރައްވާނެ ކަމަކީ ރައީސް އޮފީސް ތަރޭގައި ޖުޑީޝަރީއަތް އޮތް ނުފޫޒު ނައްތާލުންކަމަށް މުއިއްޒު ވިދާޅުވިއެވެ. އެނުފޫޒު ނައްތާލައި ވެރިކަމުގެ ފުރަތަމަ ދުވަހު ރައީސް ޔާމީން މިނިވަން ކުރައްވާނެކަމަށް ޑރ. މުއިއްޒު ވިދާޅުވިއެވެ.
އަޅުގަނޑަށް ޓިކެޓް ލިބުނީ ރައީސް ޔާމީންގެ ފުރިހަމަ އިތުބާރާއިއެކީގަ. އަޅުގަނޑު ވެރިކަމާއި ހަވާލުވެ ރައީސުލްމްހޫރިއްޔާގެ އޮފީހުން ކޯޓުތަކަށް އަތް ނުފޫޒު ހުއްޓުވާނަން. އަދި ރައީސް ޔާމީން ޤާނޫނީ ހަމަތަކުގެ މަތީީން މިނިވަން ކުރާނަން. ޑރ.މުއިއްޒު ވިދާޅުވިއެވެ.
މުއިއްޒު ވަނީ މީގެ ކުރިންވެސް ތަކުރާރުކޮށް މިކެމްޕޭންގައި ވާހަކަ ދެއްކެވި ކޮންމެ ޖަލްސާއެއްގައިވެސް ރައީސް ޔާމީން މިނިވަން ކޮށްދެއްވާނެ ކަމުގެ ޔަގީނަކަން ދިވެހި ރައްޔިތުންނަށް ދެއްވާފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.