ދީނީ ޢިލްމުވެރިންތަކެއްގެ ތާއީދާއި ތަޢުރީފް ރައީސް ޞާލިޙުއަށް އޮއްސާލައިފި!
ދީނީ އިލްމުވެރިންތަކެއް ބައިވެރިވެގެން ބޭއްވި ނޫސްވެރިންގެ ބައްދަލުވުމެއްގައި އެ. ފަރާތްތަކުގެ ތާއީދު ކުރިޔަށް އޮތް ރިޔާސީ އިންތިޚާބުގައި އޮތީ އެމްޑީޕީގެ ކެނޑިޑޭޓް, ރައީސް އިބްރާހީމް މުޙައްމަދު ޞާލިޙަށް ހާމަކުރައްވައިފިއެވެ.
ރާއްޖޭގައި އިސްލާމްދީނާއި ދީނުގެ ކަންތައްތައް ކުރިއެރުވުމަށް މަސައްކަތްކުރާ ބައެއް ބޭފުޅުންގެ ތާއީދު ރައީސް ޞާލިޙުއަށް އޮތްކަމަށް ހާމަކުރައްވައި އަދާލަތު ޕާޓީގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ރާއްޖޭގައި ދީނީ ދަރުސް ދިނުމާއި، ދީނުގެ ކަންކަން އުނގަންނައި ދިނުމަށް މަސައްކަތްކުރާ 24 ބޭފުޅަކު ވަނީ ބައިވެރިވެވަޑައިގެންފައިވެއެވެ.
ދީނީ އިލްމުވެރިންތަކެއްގެ ތާއީދު ރައީސް ޞާލިޙަށް އޮތްކަން ހާމަކޮށްފައި މިވަނީ, ދީނީ އިލްމުވެރިން ތިއްބަވާ ގްރޫޕެއްގައި ނެގި ޕޯލްއަކުން ބޮޑު އިންސައްތައެއް ޕީއެންސީގެ ކެނޑިޑޭޓް ޑރ. މުއިއްޒުއަށް ތާއީދު ކުރުމަށް ނިންމާފައިވަނިކޮށެވެ.
މި ބައްދަލުވުމުގައި ވާހަކަ ދައްކަވަމުން އިސްލާމިކް މިނިސްޓަރު ޑރ. އަޙްމަދު ޒާހިރު ވިދާޅުވީ މި ސަރުކާރުން ވަނީ ދީނީ ޢިލްމުވެރިންނަށް މިނިވަންކަމާއެކު މަސައްކަތްކުރުމުގެ ފުރުޞަތު ފަހިކޮށްދެއްވާފައިކަމަށެވެ. އަދި ކުރީގެ ސަރުކާރުތަކުން ނުހިންގާ ވަރަށް، ފާއިތުވެގެން މިދާ 5 އަހަރުތެރޭ ދީނީ ހޭލުންތެރިކަން އުފެއްދުމުގައި މަސައްކަތްކުރެވިފައިވާކަމަށް ޒާހިރު ވިދާޅުވިއެވެ.
މިހާތަނަށް 10،697 ދީނީ ޕްރޮގްރާމް އިސްލާމިކް މިނިސްޓްރީން ކުރިއަށް ގެންގޮސްފައިވާކަމަށާއި މި މަސައްކަތަށް ވަރަށް ގިނަ ޢިލްމުވެރިންގެ އެއްބާރުލުން ލިބިފައިވާކަމަށް މިނިސްޓަރ ވަނީ ވިދާޅުވެފައެވެ.
ޒާހިރު ވިދާޅުވީ އެ މިނިސްޓްރީގެ ބެލުމުގެ ދަށުން ޒަކާތާއި ބެހޭ ބިލަކާއި، ޙައްޖާއި ބެހޭ ބިލެއްގެ އިތުރުން ވަޤުފު ބިލެއް ތައްޔާރުކޮށް ރައީސް އޮފީހަށް ފޮނުވާފައިވާނެއެވެ.
ޒާހިރު ވަނީ ކޮވިޑުގެ އެންމެ ދަތި ދުވަސްވަރުގައިވެސް ދީނީ ކަންތައްތަކާ ގުޅޭގޮތުން ރައީސް ޞާލިޙު އެޅުއްވި ފިޔަވަޅުތައް ފާހަގަކުރައްވާފައެވެ. އެގޮތުން އޭރުވެސް ދީނީ ކަންތައްތައް ކުރިއަށް ގެންދިޔައީ ރާއްޖޭގައި ތިބި އެކި ޚިޔާލުތަކުގެ ޢިލުމުވެރިން ހިމެނޭ ގޮތަށް އެކުލަވާލާފައިވާ ކޮމިޓީއަކުން އަރުވަމުން ގެންދިޔަ ލަފާތަކުގެ މަތިންކަމަށް ޒާހިރު ވިދާޅުވިއެވެ.
މި ބައްދަލުވުމުގައި މިނިސްޓަރ ޒާހިރުގެ އިތުރުން ބައެއް ޢިލްމުވެރިން ވަނީ ވާހަކަ ދައްކަވާފައެވެ. އޭގެ ތެރޭގައި ޝެއިޚް އިލްޔާސް އާއި، ޑރ. ޤުބާދު އަދި ޑރ. އިޔާޒު ހިމެނެއެވެ.
މެޑަމް ނަސްރީނާ ބުރުގާ ނާޅައިގެން ވައްވައް ޖަހާފަ، މެޑަމް ފަޒުނާ ބުރުގާ ނޭޅިޔަސް ހަރަގަޅު ތާޢީދުވެސް ކުރެވޭ، ތިއީ ވަކި ބަޔަކު ގޯސްކަމެއް ކުރީމާ ފެނިފަ އަނެއް ބަޔަކު ގޯސްކަމެއް ކުރީމާ ނުފެންނަ ބަޔެއް، އަދުލުވެރި ބަޔެއް ނޫން ތިޔައީ !
މިމީހުންނަށް ލިވާތު ކުރުންވެސް އެން ޑީ އެނވެސް ރަނގަޅުވީ
ޑރ މުޢިއްޒަށް ވޯޓުލީ މީހުންނަށްވުރެ މިތާ ތިބި މީހުން ގިނަތޯ؟
އެތަކެއް ޤާނޫނު ތަސްދީޤު ކުރީ ޢިލްމު ވެރިން އިސްލާހު ކުރަން ގޮވަގޮވާ ތިއްބާ އެޔަށް ބީރު ކަންފަތެއް ދީފާ، ކިހާވަރަކަށް ތޯ އިލްމު ވެރިންގެ ބަސް އަޑުއެހީ !