ދިޔަރެސްގެ ފޭކު ވެބްސައިޓެއް ހަދައި ދޮގު ޚަބަރު ފަތުރަނީ

"ދިޔަރެސް" ނޫހުގެ ފޭކް ވެބްސައިޓެއް ހަދައިގެން ދޮގު ޚަބަރު ފަތުރަމުންދާތީ، ސަމާލުވާާން އެދިއްޖެއެވެ.

އިދިކޮޅު ލީޑަރު، ރައީސް ޔާމީން ޢަބްދުލްޤައްޔޫމް، ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒުއަށް ކުރެއްވި ތާއީދު އަނބުރާ ގެންދެވި ކަމަށް ބުނެ، ދިޔަރެސްގެ ފޭކް ވެބްސައިޓެއް ހަދައި، ޚަބަރެއް ޝާއިޢު ކުރިއެވެ. ޕްރޮގްރެސިވް ކޮންގްރެސް ކޯލިޝަނުން މިކަމަށް ސަމާލުވާން އެދި، ދިޔަރެސްގެ އަސްލު ވެބްސައިޓްގެ ލިންކު ވެސް ހިއްސާ ކުރިއެވެ. ސަރުކާރާއި ދެކޮޅު ޚަބަރުތައް ގިނައިން ގެނެސްދޭ ދިޔަރެސްގެ ފޭކު ނޫހެއް ހެދިއިރު، ރައީސް ޔާމީންގެ އަނބިކަނބަލުން، ފާތިމަތު އިބްރާހީމްގެ ފޭކު މެސެޖެއް ވެސް މިރޭ ސޯޝަލް މީޑިއާގައި ދައުރު ކުރިއެވެ.