ނޫސްވެރިޔާ އަޒާން މަޖިލީހަށް ކުރިމަތިލަނީ

އަންނަ އަހަރު އޮންނަ ރައްޔިތުންގެ މަޖިލީހުގެ އިންތިޚާބުގައި, ކުރިމަތިލައްވަން ދިޔަރެސް ނޫހުގެ ކޯ-ފައުންޑަރު, ނޫސްވެރިޔާ އަޙްމަދު އަޒާން ވާދަ ކުރަން ނިންމަވައިފިއެވެ.
އަޒާން ވާދަކުރައްވަނީ އައްޑޫ ހިތަދޫ މެދު ދާއިރާއަށެވެ. މިހާރު އެ ދާއިރާ ތަމްސީލް ކުރައްވަމުން ގެންދަވަނީ ޑިމޮކްރެޓްސްގެ އަޙްމަދު ރަޝީދު (ޗެކްމާކް ރަޝީދު)އެވެ.
މަޖިލީހަށް ކުރިމަތި ލައްވާނެކަން އިއުލާންކޮށް އަޒާން ފޭސްބުކްގައި ކުރި ޕޯސްޓެއްގައި ވިދާޅުވެފައިވަނީ ރާއްޖެއަށް ހެޔޮ އިސްލާހީ ބަދަލުތަކެއް ގެނައުމަށްޓަކައި ފެށި މަސައްކަތް ކުރިޔަށް ގެންދިއުމަށް އެންމެ ރަނގަޅު މަގަކީ މަޖިލީހުގެ ތެރެއިން ކަމަށް ފެންނާތީ ޕީޕީއެމްގެ މަޖިލިސް ޕްރައިމަރީގައި ވާދަ ކުރަން ނިންމާފައިވާ ކަމަށެވެ.
އަޒާންއަކީ އިދިކޮޅުން ކުރިޔަށް ގެންދިޔަ "އިންޑިއާ-އައުޓް"ފަދަ ކެންޕެއިންގައި އެންމެ އިސްކޮށް މީސްމީޑިއާގައި ހަރަކާތްތެރިވި އެއް ނޫސްވެރިޔާއެވެ. އޭގެ އިތުރުން އުތުރުތިލަފަޅަށް ދިއުމާއި, ހަނިމާދޫގައި އިންޑިއާ ސިފައިން ތިބިތޯ ބަލަންގޮސް, ތަޙްޤީޤީ ނޫސްވެރިކަމެއް އިންތިޚާބުގެ ތެރެއިން ފެނިގެންގޮސްފައިވެއެވެެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.