އަލިފާނާ ގުޅިގެން ފޭސް 2ގައި ވަރަށް ބޮޑަށް ދުންފެތުރިފައިވާތީ ސަމާލުވާން އިލްތިމާސްކޮށްފި

ހުޅުމާލޭގެ ފޭސް 3ގައި ކުނި ޖަމާކުރާ ސަރަހައްދުގައި މިއަދު ހިނގި އަލިފާނުގެ ހާދިސާއާއި ގުޅިގެން ހުޅުމާލެ ފޭސް 2ގެ ސަރަހައްދުތަކަށް ވަރަށް ބޮޑަށް ދުން ފެތުރިފާވާތީ ސަމާލުވާން އެޗްޕީއޭއިން އިލްތިމާސްކޮށްފިއެވެ.
އަލިފާން ރޯވީ މިއަދު މެންދުރު 03:30ކަންހާއިރު ފަރުކޮޅުފުއްޓާ ދިމާލު ބޭރުގައި އެއްކޮށްފައި ހުރި ކުނިތަކެއްގައި ރޯވެގެންނެވެ.
އެ އަލިފާންގަނޑު ކޮންޓްރޯލްކުރި ހަވީރުވާން އުޅެނިކޮށް ކޮންޓްރޯލް ކުރިނަމަވެސް އަނެއްކާވެސް ކުޑަކޮށްރޯވެ ދަނީ ދުން އަރަމުންނެވެ.
އެހެންވެ އެޗްޕީއޭއިން ވަނީ އެ އިދާރާގެ އިރުޝާދާ އެއްގޮތަށް ރައްކާތެރިކަމުގެ ފިޔަވަޅު އެޅުމަށް ގޮބާލައިފައެވެ.
އެގޮތުން ދުން ނުވަންނާނެހެން ގޭގޭގެ ކުޑަ ދޮރުތައް ބަންދުކޮށް އަދި ކޮންމެހެން ނުކުންނަން ޖެހިއްޖެ ހާލަތެއްހައި ނޫނީ ދުމުގެ އަސަރުކޮށްފައިވާ ސަރަހައްދުތަކަސް ނުނިކުތުމަށް ވެސް ވަނީ އިލްތިމާސްކޮށްފައެވެ.
އޭގެ އިތުރުން ނޭވާލާން އުނދަގޫވުން ފަދަ ސިއްހީ ހާލަތެއް ދިމާވެއްޖެނަމަ އަވަހަށް ސިއްހީ ފަރުވާ ހޯދުމަށް ވަނީ އިލްތިމާސްކޮށްފައެވެ.
.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.