އިންޑަސްޓްރިއަލް ރިލޭޝަންސްއާބެހޭ ބިލަށް ޢާންމުންގެ ޚިޔާލު ހޯދުމަށް ހުޅުވާލައިފި

އިންޑަސްޓްރިއަލް ރިލޭޝަންސްއާބެހޭ ބިލަށް ޢާންމުންގެ ޚިޔާލު ހޯދުމަށް ރައްޔިތުންގެ މަޖިލީހުން ހުޅުވާލައިފިއެވެ.

މިއަދު މަޖިލީހުން ކުރި އިޢުލާނެއްގައި ވިދާޅުވީ، މަޖިލީހުގެ އިޤްތިޞާދީ ކޮމިޓީގައި ދިރާސާކުރައްވަމުން ގެންދަވާ "އިންޑަސްޓްރިއަލް ރިލޭޝަންސްއާބެހޭ ބިލު" އަށް ޢާންމުންގެ އެއްވެސް ޚިޔާލެއް އޮތްނަމަ 2 ނޮވެންބަރު ވާ ބުރާސްފަތި ދުވަހުގެ 12:00 ގެ ކުރިން އެކަން އަންގަވައިދެއްވުމަށެވެ.

އެގޮތުން، އެއްވެސް ޚިޔާލެއް އޮތްކަމަށްވާނަމަ މަޖިލީހުގެ އިޤްތިޞާދީ ކޮމިޓީގެ މެއިލް އެޑްރެސް [email protected] އަށް ނުވަތަ މަޖިލީހުގެ އިދާރާއަށް ލިޔުމުން ފޮނުއްވައިދެއްވުމަށް މަޖިލީހުން އެދިފައިވެއެވެ.