މޫސުން ގޯސްނަމަ ޑރ. މުއިއްޒު ހުވާކުރައްވާނީ މަޖިލީހުގައި
ނޮވެންބަރު 17 ވަނަ ދުވަހު މޫސުން ގޯސްނަމަ، އިންތިޚާބީ ރައީސް ޑރ. މުޙައްމަދު މުއިއްޒު އާއި އިންތިޚާބީ ނާއިބު ރައީސް ޙުސައިން މުޙައްމަދު ލަތީފް ހުވާކުރައްވާނީ ރައްޔިތުންގެ މަޖިލީހުގައިކަމަށް އެ އިދާރާއިން ބުނެފިއެވެ.
ޖުމްހޫރީ މައިދާނުގައި ބޭއްވުމަށް ހަމަޖެހިފައިވާ މި ރަސްމިއްޔާތުގެ ތައްޔާރީތައްވުމަށް އެ ސަރަޙައްދު މިހާރު ވަނީ ބަންދުކޮށްފައެވެ. ނަމަވެސް އެއްވެސް ހާލަތެއް މެދުވެރިވެގެން ޖުމްހޫރީ މައިދާނުގައި ހުވާކުރުމުގެ ރަސްމިއްޔާތު ކުރިއަށް ނުގެންދެވިއްޖެނަމަ، އެމަނިކުފާނު ހުވާކުރައްވާނީ ރައްޔިތުންގެ މަޖިލީހުގައިކަމަށް އެ އިދާރާގެ ކޮމިއުނިކޭޝަންސް ޑިރެކްޓަރު ހަސަން ޒިޔާއު "ސަން" އަށް މަޢުލޫމާތުދީފައިވެއެވެ.
"ބެކަޕް ޕްލޭނަކީ، މޫސުން ގޯސްވެ ޖުމްހޫރީ މައިދާނުގައި ޖަލްސާ ނުބޭއްވޭނަމަ މަޖިލިސް" އޭނާ ވިދާޅުވިއެވެ.
މަޖިލީހުގައި ހުވާކުރެއްވުމުގެ ރަސްމިއްޔާތު ބާއްވަން ޖެހިއްޖެ ހާލަތެއްގައި ދަޢުވަތު އެރުވޭނީ މިހާރު ދަޢުވަތު ދޭން ނިންމާފައިވާ 3500 މެހެމާނުންގެ ތެރެއިންވެސް ވަކި އަދަދެއްގެ ބޭފުޅުންނަށްކަމަށް "ސަން" އާ ޙަވާލާދީ ޒިޔާއު ވިދާޅުވެފައިވެއެވެ.
މި ރަސްމިއްޔާތު ނިންމުމަށްފަހު ފަރިއްކުޅުވުމެއް ނުވަތަ ބިލެއްމީރުކޮށްލުމެއް ބޭއްވުމަށް ހަމަޖެހިފައި ނުވެއެވެ.
ޑރ. މުއިއްޒު ހުވާކުރައްވާ ރަސްމިއްޔާތު 22.9 މިލިއަނަށް ޓެންޑާ ބޯޑުން ޙަވާލު ކޮށްފައިވަނީ ސިފައިންގެ ވެލްފެއަ ކުންފުނި (ސިވެކް) އާއެވެ.
