އިންޓަނެޓްގެ ހިދުމަތް އަނެއްކާވެސް ކަނޑާލައި ޣައްޒާއަށް އިތުުރު ހަމަލާތަކެއް
ޔަހޫދީ އިސްރާއީލުން ޣައްޒާގެ އެތެރޭގެ މުވާސަލާތީ އަދި އިންޓަނެޓްގެ ހުރިހާ ހިދުމަތެއް އަނެއްކާވެސް ކަނޑާލުމަށްފަހު ވައިގެ މަގުން ހަމަލާދޭން ފަށައިފިއެވެ.
މިއީ ފާއިތުވި ހަފުތާގެ ތެރޭގައި ޣައްޒާގެ އިންޓަނެޓް ކަނޑާލި ތިން ވަނަ ފަހަރެވެ. ޣައްޒާއިން އިންޓަރނެޓްގެ ހިދުމަތް މިވަގުތު މެދުކަނޑާލާފައިވާއިރު ޔަހޫދީ އިސްރާއީލުން ގެންދަނީ ޣައްޒާގެ މެދުތެރެއާއި އިތުރު ސަރަހައްދުތަަކަށް ވައިގެ މަގުން ވަރުގަދަ ހަމަލާތަކެއް ދެމުންނެވެ.
އިސްރާއީލުގެ އަސްކަރިއްޔާއިން ފާއިތުވި 24 ގަޑިއިރުގެ ތެރޭގައި އަލްމަޣާޒީ ކޭމްޕް ހިމެނޭގޮތަށް ޣައްޒާގެ ތިން ރެފިއުޖީ ކޭމްޕަށް ބޮން އަޅައި އެތައް ބަޔަކު ޝަހީދުކޮށްލާފައިވާ ކަމަށް ފަލަސްތީނުގެ އޮފިޝަލުން ވަނީ ބުނެފިއެވެ.
މިދިޔަ ހޮނިހިރު ދުވަހުގެ ރޭ އިޒްރޭލުން އަލް މަޣާޒީ ރެފިއުޖީ ކޭމްޕަށް ދިން ހަމަލާގައި 47 މީހުން ވަނީ ޝަހީދުކޮށްލާފައެވެ. ޖަބަލިއާ ކޭމްޕަށް ވެސް ރޭގަނޑު ހަމަލާދީ ހަ މީހަކު ވަނީ ޝަހީދުކޮށްލާފައެވެ.
