ގއ. ވިލިނގިލިން މީހަކާއި ފ. ނިލަންދޫން ދެ މީހަކު ކޮވިޑަށް ފައްސިވެއްޖެ

ގއ. ވިލިނގިލިން މީހަކާއި ފ. ނިލަންދޫން އިތުރު ދެ މީހަކު ކޮވިޑަށް ފައްސިވެއްޖެއެވެ.

Ads by MWSC

"ވަގުތު" ނޫހުން ރިޕޯޓު ކޮށްފައިވާ ގޮތުގައި ވިލނގިލިން ކޮވިޑް-19 އަށް ފައްސިވެފައި ވަނީ މާލެ އިން އެރަށަށް ގޮސް ހޯމް ކަރަންޓީންގައި ހުރި އުމުރުން 50 އަހަރާއި 60 އަހަރާއި ދެމެދުގެ މީހެއް ކަމަށެވެ.

އެމީހާ ފައްސި ވެފައިވާކަން އެނގުނީ މިއަދު ހަވީރު އެވެ. މިއީ ގއ. އަތޮޅުން މީހަކު ކޮވިޑަށް ފައްސިވި ފުރަތަމަ ފަހަރެވެ.

ނިލަންދޫއިން މިއަދު ކޮވިޑް-19 އަށް ފައްސިވެފައި ވަނީ ދެ ފިރިހެނުންނެވެ. އެ މީހުންނަކީވެސް މާލެ އިން ރަށަށް ގޮސް ގޭގައި ކަރަންޓީންވެގެން ތިބި ދެ މީހުންނެވެ.

މިއާއެކު އެރަށުން ކޮވިޑް-19 އަށް ފައްސިވި މީހުންގެ އަދަދު ވަނީ ހަތަކަށް އަރާފައެވެ.