އިތުބާރު ނެތްކަމުގެ ގަރާރު ގަވާއިދާ ހިލާފު ކަމަށްބުނެ ބޭރުކޮށްލައިފި
ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލައިގައި ހުށަހަޅާފައިވާ ގަރާރު އޮތީ ރައްޔިތުންގެ މަޖިލީހުގެ ގަވައިދާ އެއްގޮތަށް ނޫންކަމަށްބުނެ އެ ގަވައިދު ބޭރުކޮށްލައިފިއެވެ.
މިއަދުގެ ޖަލްސާގެ ރިޔާސަތުގައި އިންނެވީ ވިލިފުށީ ދާއިރާގެ މެންބަރު ހަސަން އަފީފްއެވެ.
ހަސަން އަފީފު ރިޔާސަތާ ހަވާލުވެ، މަޖިލިސް ފެށުމާއެކު، މަޖިލީހުގެ ރައީސް ނިސްބަތްވާ ދަ ޑިމިކޮކްރެޓްސްގެ ފަރާތުން އެ ޕާޓީގެ ލީޑަރު އަލީ އާޒިމް ނެންގެވީ ނިޒާމީ މައްސަލައެކެކެވެ. އާޒިމްގެ ނިޒާމީ މައްސަލައަކަށްވީ މަޖިލީހަށް ހުށަހަޅާފައިވަނީ ގަރާރެއްތޯ ނުވަތަ ބިލެއްތޯ ނުވަތަ ކުއްލި މައްސަލައެއްތޯ ސާފު ކުރުމެވެ.
ކުއްލިއަކަށް އަފީފް ޖަލްސާ ނިންމަވައިލެއްވީ އިތުބާރު ނެތްކަމުގެ ގަރާރު ހުށަހަޅުއްވާފައި އޮތީ މަޖިލީހުގެ ގަވައިދާ ހިލާފަށް ކަމަށް ވިދާޅުވެއެވެ.
އެ މައްސަލާގައި ވާހަކަ ދައްކަވަމުން އަފީފް ވިދާޅުވީ މަޖިލީހުގައި ކަން ހިނގާ ގޮތަށް ބަލާއިރު ސުޕްރީމް ކޯޓުން މި ނިންމި ނިންމުމުން ވެސް ކަންތައްތަކެއް ބަދަލުވެފައިވާ ކަމަށެވެ. އަދި ހުރިހާ ކަމެއް ވެސް އޮންނާނީ ދެމިގެންދާ ގޮތަށް ގަވައިދުގެ އެހެން މާއްދާތަކާ ވެސް ގުޅިގެންދާ ގޮތަށް ކަމަށް އަފީފް ވިދާޅުވިއެވެ.
ގައުމުގެ ވެރިކަން މަޖިލިސް ހިންގަން ހުނަން ރައީސަކަށް ފުރަޅާލުމުގެ ބާބު ފެށުނީ މިއީ ގައުމަށް ދިމާވާނެ އެންމެ ނުރައްކާތެރި ޚުޞޫމަތްތެރި ދުވަސްކޮޅަށް މިދުވަސްކޮޅު ވުން އެކަށީގެންވޭ ރައްޔިތުން ފުރިހަމަ ތާއީދާއެކު އިންތިޚާބު ކުރެއްވި އާރައީސް އަދި ނާއިބު ރައީސް ގެ ކިބައިން ވެރިކަން ފުރަޅާލުމުގެ ހީލަތްތެރި ނިންމުމެއް މިއަދު އެނިންމީ މަޖިލީހުގެ ރައީސް ކަމާގުޅޭ ހުރިހާ ފަރާތްތަކެއްވެސް މިކަމުގެ އަގު ރައްޔިތުންނަށް ދޭންޖެހޭނެ ރައްޔިތުންވެސް މިކަމާއި ހޭލުންތެރިވާންޖެހޭނެ އަދި ސަރުކާރު އެކަށައެޅިފައިވާ 3 ބާރުންވެސް މިކަމަށް ގޯހެއް ހެދުމަކީ އެކަށިގެންވާ ކަމަކަށް ވެދާނެ އެކަމަކު އަހަރެމެން ރައްޔިތުން އިންތިޚާބު ކުރި ރައީސް އާއި ނާއިބު ރައީސް ގެ ވެރިކަން ނުގުޅައިގަތުމަށް މަޖިލީހުން ހިންގަފާނެ ކޮންމެ ގޯސް ނިންމުމަކީ ރައްޔިތުން ބަލައިގަންނާނެ ކަމެއްނޫން
ތިކަލޭގެ ތިތަނުން ބޭރު ނުވާންވެގެން ހާދަ ވަރަކަށޭދޯ އެ ފޫހާކަނީ!!! ދެން ލަފުގަ ހިފާފަ ބޭރުކުރޭ!!