އެމްޑީޕީން މަޖިލީހުގެ ރައީސްގެ މަޤާމަށް ހުށަހަޅަނީ އަސްލަމް

ރައްޔިތުންގެ މަޖިލީހުގެ ރައީސް, ރައީސް މުޙައްމަދު ނަޝީދު އެ މަޤާމުން އިސްތިއުފާ ދެއްވުމާއި ގުޅިގެން މަޖިލީހުގެ ރައީސްގެ މަގާމަށް އެމްޑީޕީގެ ފަރާތުން ހިތަދޫ އުތުރު ދާއިރާގެ މެމްބަރު ވާދަކުރައްވަން ނިންމަވައިފިއެވެ.

Ads by MWSC

މަޖިލީހަށް އާ ރައީސެއް އިންތިހާބު ކުރުމުގެ ޖަލްސާގެ އެޖެންޑާ އާންމު ކުރީ މިރޭ ކުއްލި ގޮތަކަށެވެ. މަޖިލީހުގެ މިރޭގެ ޖަލްސާގެ އެޖެންޑާގައި އޮތީ ހަމައެކަނި މަޖިލީހަށް އާ ރައީސެއް އިންތިހާބު ކުރުމެވެ.

އަންނަ ދައުރުގައި އިދިކޮޅު ޕާޓީއެއްގެ ގޮތުގައި ހަރަކާތްތެރިވާނެ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޕާލިމެންޓަރީ ގްރޫޕުގެ ލީޑަރު މުހައްމަދު އަސްލަމްގެ ނަން މަޖިލީހުގެ ރައީސް ކަމަށް ހުށަހަޅަން ނިންމާފައިވަނީ, އެ ޕާޓީގެ ޕީޖީ ގްރޫޕުންނެވެ.