މަޖިލީހުގެ 6 މެމްބަރަކު އިސްތިއުފާ ދެއްވައިފި

ރައީސް ޑރ. މުހައްމަދު މުއިއްޒު ސަރުކާރުގެ ވަޒީރު ކަމަށް ވަޑައިގެންނެވުމަށް ރައްޔިތުން މަޖިލީހުގެ ހަ މެމްބަރަކު އިސްތިއުފާ ދެއްވައިފިއެވެ.

އިސްތިއުފާ ދެއްވި މެމްބަރުންގެ ތެރޭގައި ހިމެނެނީ މަޑުއްވަރީ ދާއިރާގެ މެމްބަރު އާދަމް ޝަރީފާއި، މާވަށު ދާއިރާގެ މެމްބަރު މުހައްމަދު ސައީދާއި، ނައިފަރު ދާއިރާގެ މެމްބަރު އަހުމަދު ޝިޔާމްގެ، ގުރައިދޫ ދާއިރާގެ މެމްބަރު މުހައްމަދު ޣައްސާން މައުމޫން، ވިލިމާލެ ދާއިރާގެ މެމްބަރު އަހުމަދު އުޝާމް، އަދި ހުސެއިން މުޙައްމަދު ލަތީފްއެވެ.

މި މެމްބަރުމް އިސްތިއުފާ ދެއްވާފައިވާއިރު މި ސަރުކާރުގެ ކެބިނެޓް މިނިސްޓަރުން އައްޔަން ކުރައްވައި، އެ ބޭފުޅުން ހުވާކުރައްވަން މިހާރު ވަނީ ފައްޓަވައިފައެވެ.

ޑރ. މުޢިއްޒު ރައީސްކަމުގެ ހުވާކުރައްވައި ސަރުކާރު ހިންގެވުމާ ހަވާލުވެވަޑައިގެންނެވީ މިއަދު ހަވީރު ޖުމްހޫރީ މައިދާނުގައި ބޭއްވި ރައްޔިތުންގެ މަޖިލީހުގެ ޖަލްސާގައެވެ.