ޤައުމަށް ބޭނުންވަނީ ތެދުވެރިކަމާ އިޚްލާޞްތެރިކަމާއެކު ވެރިކަން ކޮށްދެއްވާނެ ވެރިއެއް: އަބްދުއްރަހީމް

ޤައުމަށް ބޭނުންވަނީ ތެދުވެރިކަމާ އިޚްލާޞްތެރިކަމާއެކު ވެރިކަން ކޮށްދެއްވާނެ ވެރިއެއް ކަމަށް ރައީސް ޑރ. މުހައްމަދު މުޢިއްޒުގެ ސްޕެޝަލް އެޑްވައިޒާ ޓު ދަ ޕްރެޒިޑެންޓް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
އަދުރޭ މިހެން ވިދާޅުވީ "އެކްސް" ގައި ކުރެއްވި ޕޯސްޓެއްގައެވެ.
އެގޮތުން އަދުރޭ ވިދާޅުވީ ޤައުމެއްގެ ތަރައްޤީއަކީ ވަކި ބޭފުޅެއްގެ ވެރިކަމުގެ މައްޗަށް ހުއްޓިފައިވާ ކަމެއް ނޫން ކަން ފެންނަމުންދާ ކަމަށެވެ.
ހަމަ އެހެންމެ ޤައުމަކަށް ބޭނުންވަނީ ތެދުވެރިކަމާއި އިހްލާސްތެރިކަމާއެކު ޤައުމާއި ރައްޔިތުންގެ މަސްލަހަތު އިސްކުރައްވައިގެން ވެރިކަން ކޮށްދެއްވާނެ ވެރިއެއް ކަމަށް އަބްދުއްރަހީމް ވަނީ ވިދާޅުވެފައެވެ.
މީގެ އިތުރުން ރައީސް ޑރ.މުއިއްޒުގެ ފަރާތުން ފެންނަމުން ދަނީ މި ދެންނެވި ސިފަތައް ކަމަށް އަދުރޭ ވަނީ ވިދާޅުވެފައެވެ.
ޤައުމެއްގެ ތަރައްޤީއަކީ ވަކި ބޭފުޅެއްގެ ވެރިކަމުގެ މައްޗަށް ހުއްޓިފައިވާ ކަމެއް ނޫން ކަން ފެންނަމުންދާ ކަމަށް އަދުރޭ ވިދާޅުވެފައި ވާއިރު ބެލެވޭ ގޮތުގައި މި ޕޯސްޓުގައި ވަކި ބޭފުޅެއްގެ ނަން ހިމަނާފައި ނުވި ނަމަވެސް މި ޕޯސްޓަކީ ކުރީގެ ރައީސް އަބްދުﷲ ޔާމީނުގެ ސަރުކާރަށް އަމާޒުކުރައްވާ ކުރައްވާފައިވާ ޕޯސްޓެެއް ކަމަށް ބައެއް ފަރާތްތަކުން ބުނެއެވެ.
ބަހުގެ ހަމަލާ އަމާޒު ކުރައްވާފައިވަނީ ރައީސް ޑރ. މުޢިއްޒު މާދަމާ ޗައިނާއަށް ދަތުރު ކުރައްވަން ހަމަޖެހިފައިވަނިކޮށެވެ.ރައީސް ޔާމީނަކީ ޗައިނާއާ ވަރަަށް ގާތް ބޭފުޅެކެވެ. ރައީސް މުޢިއްޒު ޗައިނާއަށް ވަޑައިގަންނަވަނީ ޗައިނާގެ ރައީސްގެ ދައުވަތަކަށެވެ.




ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.