މިއަދު އިދިކޮޅު ކޯލިޝަންގެ ޒުވާނުން މިއަދު ބޭއްވި ސައިކަލް ބުރުގައި ގިނަ ބަޔަކު ބައިވެރިވެފައިވާ އިރު ގިނަ މީހުން ތިބީ މާސްކު އަޅައިގެންކަން ފާހަގަކޮށްލެވެއެވެ.
އިންޒާރު ދިނަސް ދިވެހިން މި ގައުމުގެ ހައްގުގައި ތެދުވާނެ: އަދުރޭ
ކިތަންމެ އިންޒާރެއް ދިނަސް ދިވެހިން ދިވެހި ގައުމުގެ ހައްގުގައި ތެދުވާނެ ކަމަށް ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެ އެވެ.
Ads by MWSC
އަދުރޭ މިހެން ވިދާޅުވީ އިދިކޮޅު ކޯލިޝަނުން މިއަދު ބޭއްވި ސައިކަލް ބުރުގައި އެޗްޕީއޭގެ މިންގަނޑުތަކާއި ހިލާފުވި މައްސަލަ ބަލާނެ ކަމަށް ފުލުހުން ބުނެފައިވަނިކޮށެވެ.
އެގޮތުން އަދުރޭ ވިދާޅުވީ ކިތަންމެ އިންޒާރެއް ދިނަސް ދިވެހިން ދިވެހި ޤައުމުގެ ހައްގުގައި ތެދުވާނެ ކަމަށެވެ.
"ދީން ދިފާއު ކުރާނެ، މިނިވަންކަން ދަމަހައްޓާނެ، ރައްޔިތުންގެ ހައްގުތައް ކަށަވަރުކުރާނެ، ޤައުމު އަޅުވެތި ކުރާތަން ބަލާކަށް ދިވެހިންނެއް ނުތިބޭނެ" އަދުރޭ ވިދާޅުވިއެވެ.
ފުލުހުން ބުނީ މިއަދު ބޭއްވުނު ސިޔާސީ ހަރަކާތުގައި އެޗްޕީއޭގެ މިންގަނޑުތަކާއި އެއްގޮތަށް ގައިދުރުކަން ނުބަހައްޓާ ހަރަކާތްތެރިވުމާއި މާސްކު ނާޅާ އުޅެފައިވާކަން ފާހަގަކުރެވިފައިވާ ކަމަށެވެ.
މިކަމާއި ގުޅިގެން ބަލަންޖެހޭ ކަންކަން ބެލުމަށްފަހު އަޅަންޖެހޭ ފިޔަވަޅުތައް އަޅަމުން ގެންދާނެ ކަމަށް ފުލުހުން ވަނީ ބުނެފައެވެ.
ފުލުހުންމިވަނީ ސިޔާސީ ވެގެން ގޮސް ހައްދު ފަހަނަ އަޅާފައި. މާލޭގައި ލޮކް ޑައުންގެ ހަރުކަށި ފިޔަވަޅު އަޅާފަ އޮއްވާ ތިޔަބުނާ އެޗްޕީއޭގެ އެންގުމަށް ގޮން ޖަހާފައި އެއްވެސް ފަރުވާލެއް ނުބަހައްޓާ ރައްޔިތުންގެ މަޖްލިސްގެ ޖަލްސާ ތައް ބޭއްވި އިރު ފުލުހުން ކޮބައިހެއްޔެވެ….؟ މައްސަލަ ނުބެލީ ކީއްވެގެން ހެއްޔެވެ….؟ މައްސަލަ ބަލަންޖެހެނީ ވަކި ބަޔަކު ކުރީމާ ހެއްޔެވެ….؟