Saturday, 21 November 2026
Advertisement
STO — McCoy (leaderboard)
ޚަބަރު

ޑިމޮކްރެޓްސް ޕްރައިމަރީގައި ކެންޑިޑޭޓުން ވާދަނުކުރާ ދާއިރާތަކަށް ކުރިމަތިލުމަށް އިތުރު ފުރުސަތެއް ދީފި

ޑިމޮކްރެޓްސް ޕްރައިމަރީގައި ކެންޑިޑޭޓުން ވާދަނުކުރާ ދާއިރާތަކަށް ކުރިމަތިލުމަށް އިތުރު ފުރުސަތެއް ދީފި
ރައްޔިތުންގެ މަޖިލީހުގެ އިންތިހާބުގެ ޑިމޮކްރެޓްސްގެ ޓިކެޓުގައި ވާދަކުރުމަށް ހުޅުވާލި ފުރުސަތުގައި, އެއްވެސް ކެންޑިޑޭޓަކު ކުރިމަތިނުލާ ދާއިރާތަކަށް ކުރިމަތިލުމުގެ ފުރުސަތު އަލުް ހުޅުވާލައިފިއެވެ. އެ ޕާޓީގެ ޓިކެޓުގައި މަޖިލިސް އިންތިހާބުގައި ވާދަކުރަން ނަން ހުށަހެޅުމުގެ ފުރުސަތު ހުޅުވާލުމުން، 41 ދާއިރާއަކަށް 46 މީހުން ކުރިމަތިލާފައިވެ އެވެ. ޑިމޮކްރެޓްސްއިން މިރޭ ނެރުނު ބަޔާނެއްގައި ބުނީ މަޖިލީހުގެ 93 އިންތިހާބީ ދާއިރާއަށް އެ ޕާޓީގެ ފަރާތުން ވާދަކުރުމަށް އިންޓެރިމް ކައުންސިލުން ނިންމާފައިވާތީ, އެ ނިންމުން ދެމެހެއްޓުމަށް ޕާޓީގެ ދާއިމީ މަގާމުތަކަށް މީހުން އިންތިހާބު ކުރެވުމަށްފަހު އެކުލަވާލެވުނު ނެޝަނަލް އެސްބްލީގެ އަގުލަބިއްޔަތުން ފާސްކޮށްފައިވާ ކަމަށެވެ.  އެކަމާ ގުޅިގެން ޕާޓީ ރައީސްގެ ކައުންސިލުން ނިންމާފައިވަނީ އަލުން ފުރުސަތު ހުޅުވާލުމަށް ކަމަށް ޕާޓީން ބުނެފައިވެއެވެ.  އެހެންނަމަވެސް, ވަގުތު ތަން ނެތުމާ ގުޅުގެން މި ދާއިރާތަކަށް އެއް ކެންޑިޑޭޓަކަށް ވުރެ ގިނަ ގިނަ ކެންޑިޑޭޓުން ކުރިމަތިލިޔަސް ޕްރައިމަރީ ނުބޭއްވޭނެ ކަމަށާއި މި ހާލަތުގައި ޕާޓީގެ ފަރާތުން ވާދަކުރާނެ ފަރާތެއް ކަނޑައެޅުމަށް ހަމަޖެހިފައިވަނީ ޕާޓީގެ ކައުންސިލުން ކަމަށް ވެސް ބުނެފައިވެއެވެ.  މިއަދު ފުރުސަތު ދީފައިވަނީ މި މަހުގެ ހަ ވަނަ ދުވަހުގެ ކުރިން ނަން ހުށަހެޅުމަށެވެ. ނަން ހުށަހެޅޭނީ ޑިމޮކްރެޓްސްގެ ރެޖިސްޓްރީގައިވާ މެންބަރުންނަށް ކަމަށް ވެސް ބުނެފައިވެއެވެ.

ޑިމޮކްރެޓްސްގެ ޓިކެޓުގައި 41 ދާއިރާއަށް ކުރިމަތިލާފައިވާ މީހުންގެ ނަންތައް ހިމަނައި އެ ޕާޓީން އާންމުކޮށްފައިވާ ލިސްޓުގައިވާ ގޮތުން، ފްރައިމަރީއަކާ ނުލާ 37 ކެންޑިޑޭޓަކަށް ޓިކެޓު ލިބެ އެވެ.

އެކަކަށް ވުރެ ގިނައިން ކުރިމަތިލާފައިވާތީ، ޕްރައިމަރީ ބާއްވަން ޖެހެނީ ހަތަރު ދާއިރާއަކުންނެވެ. އެ ހަތަރު ދާއިރާއަށް ކުރިމަތިލާފައިވަނީ ޖުމްލަ ނުވަ މީހުންނެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.