އެސްޓީއޯ އިން ވިއްކާ މަކިޓާ ޕަވަ ޓޫލްސް، ރާއްޖޭގެ ރަށްރަށުގައި ވިއްކައިދިނުމުގެ މަސައްކަތް ކޮށްދޭނެ އޭޖެންޓުން ހޯދުމަށް އިއުލާންކޮށްފިއެވެ.
އެޖެންޓުން ނެގުމަށް މިވަގުތު ހަމަޖެހިފައިވަނީ ރަށްތަކުގެ ލިސްޓެއް އެކުލަވާލާފައެވެ.
އެ ރަށްތަކަކީ:
- ހއ ދިއްދޫ
- ށ. ފުނަދޫ، މިލަދޫ
- ރ. ދުވާފަރު،ު، މީދޫ، އަލިފުށި، އުނގޫފާރު
- ބ. ތުޅާދޫ
- ޅ. ނައިފަރު، ހިންނަވަރު
- ކ. ކާށިދޫ، ހިންމަފުށި، ގުޅި، ތުލުސްދޫ
- އއ. ރަސްދޫ، ތޮއްޑޫ
- އދ. މަހިބަދޫ، މާމިގިލި
- ވ. ކެޔޮދޫ
- މ. މުލަށް، ދިއްގަރު. މުލި
- ފ. ނިލަންދޫ
- ދ. ކުޑަހުވަދޫ، މީދޫ
- ތ. ތިމަރަފުށި، ވިލިފުށި
- ލ. އިސްދޫ، މާވަށް
އެޖެންޓުންގެ މައިގަނޑު މަސައްކަތަކީ އެސްޓީއޯ އިން ވިއްކާ މަކިޓާ ޕަވާ ޓޫލްސްގެ ބާވަތްތައް ކަނޑައެޅިފައިވާ ރަށްތަކުގައި ވިއްކުމުގެ ހިދުމަތް ދިނުމެވެ. ކޮންމެ ރަށަކުން ނެގުމަށް ހަމަޖެހިފައި ވަނީ ދެ އޭޖެންޓެވެ.
އޭޖެންޓުގެ ގޮތުގައި އައްޔަންކުރެވޭނީ ވިޔަފާރި ރަޖިސްޓްރީ ކުރުމާއިބެހޭ ޤާނޫނުގެ ދަށުން މިނިސްޓްރީ އޮފް އިކޮނޮމިކް ޑިވެލޮޕްމެންޓްގައި ރަޖިސްޓްރީ ކޮށްފައިވާ ޖެނެރަލް ކޮންސްޓްރަކްޝަން މުދާ ވިއްކާ، އަދި ހާޑްވެއާ ޝޯ ރޫމެއް ނުވަތަ ފިހާރާއެއް ހުންނަ ފަރާތްތަކަށް ކަަމަށް އެސްޓީއޯއިން ބުންޏެވެ..
އެޖެންޓަކަށްވާން ބޭނުންވާ ފަރާތްތަކުން، މާޗް މަހުގެ 14 ވަނަ ދުވަހުގެ 16:00 ގެ ކުރިން
[email protected] އީމެއިލް އެޑްރެސް މެދުވެރިކޮށް އެޕްލިކޭޝަންފޯމް ހުށަހަޅަން އެސްޓީއޯއިން ވަނީ އެދިފައެވެ.
އެޖެންޓަކަށް ވުމަށް އެދި ހުށަހަޅާ ފޯމް އެސްޓީއޯ މަކިޓާ ޝޯރޫމް (ސީޓްރެކް ބިލްޑިނގް) އިން ލިބޭނެ ކަމަށާއި މީގެ އިތުރުން އެސްޓީއޯގެ ވެބްސައިޓް އިންވެސް ޑައުންލޯޑް ކުރެވޭނެ ކަމަށް އެސްޓީއޯއިން ބުންޏެވެ. ފޯމް ހުށަހަޅާއިރު، އެޖެންޓަކަށް ވުމަށް އެދިލައްވާ ރަށުގެ ނަން ހިމަނަންވާނެއެވެ. އަދި ވިޔަފާރި ރަޖިސްޓްރީގެ ކޮޕީއެއް ހުށަހަޅަންވާނެ ކަމަށް އެސްޓީއޯ އިން ބުންޏެވެ.
ކޮމެންޓް