އަދުރޭ ފުލުހަށް ހާޒިރުކޮށް 1،000 ރުފިޔާ އިން ޖޫރިމަނާކޮށްފި

ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ފުލުހަށް ހާޒިރުކޮށް 1،000 ރުފިޔާ އިން ޖޫރިމަނާކޮށްފިއެވެ.

Ads by STELCO

އަދުރޭ މިއަދު ހެނދުނު 10 ޖެހިއިރު ފުލުހަށް ހާޒިރު ކޮށްފައިވަނީ މިދިޔަ ހުކުރު ދުވަހު އިދިކޮޅު ފަރާތްތަކުން މާލޭގައި ބޭއްވި ސައިކަލު ބުރުގައި އެޗްޕީއޭގެ ގައިޑްލައިނާ ހިލާފުވެފައިވާތީ ފުލުހުން ތަހުގީގު ކުރަމުންދާ މައްސަލައާ ގުޅިގެންނެވެ.

އަދުރޭގެ ވަކީލު ވިދާޅުވީ އޭނާ ޖޫރިމަނާ ކޮށްފައިވަނީ ގައިދުރު ކަމެއް ނެތި ސައިކަލު ދުއްވި މައްސަލައާ ގުޅިގެން ކަމަށެވެ. ނަމަވެސް އެޗްޕީއޭގެ ގައިޑްލައިނާ އަދުރޭ ހިލާފުވެފައި ނުވާ ކަމަށާއި އެހެންކަމުން ޖޫރިމަނާގެ މައްސަލަ ކޯޓަށް ހުށަހަޅުއްވާނެ ކަމަށް ވަކީލު ވިދާޅުވިއެވެ.

ސައިކަލު ބުރާއި ގުޅިގެން، ރޭ ފުލުހަށް ހާޒިރުކޮށް ޕީއެންސީ ގެ ނައިބު ރައީސް އިބްރާހިމް ޝުޖާއު ވެސް ވަނީ 1000 ރުފިޔާއިން ޖޫރިމަނާ ކޮށްފައެވެ.