ފުނަދޫން ކީ އެންމެ ހޫނު މަރުހަބާ، އެއާޕޯޓް ތަރައްގީކޮށްދޭނަން: ރައީސް
މި ފަހުން ރަށްތަކަށް ކުރައްވަން ފެއްްޓެވީ ދަތުރުފުޅުގެ ތެރެއިން އެމަނިކުފާނަށް އެންމެ ހޫނު މަރުހަބާއެއް ކިޔާފައިވަނީ ށ. ފުނަދޫ އިން ކަމަށް ވިދާޅުވެ ރަށު ރައްޔިތުން ބޭނުންވާ ކަންތައްތައް ފުއްދަވައިދެއްވާނެ ކަމުގެ ޔަގީންކަން ރައީސް ޑރ މުހައްމަދު މުއިއްޒު މިއަދު ދެއްވައިފިއެވެ.
''އިއްޔެ މިރަށުން ކީ ހޫނު މަރުހަބާ އަކީ މިހާތަނަށް އެންމެ ގިނަ ރައްޔިތުން ނިކުމެ ކީ މަރުހަބާކަން އުފާލައެކީ ފާހަގަކުރަން'' އުތުރުގެ އަތޮޅުތަކަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ފުނަދޫ ރައްޔިތުންނާ މުހާތާބުކުރައްވާ ވާހަކަފުޅު ފައްޓަވަމުން ރައީސް ވިދާޅުވިއެވެ.
އެމަނިކުނާފު ވިދާޅުވީ އެ ރަށުގެ ތަރައްގީއަށްޓަކައި ގިނަ ކަންތައްތަކެއް ކޮށްދެއްވާނެ ކަމަށް އިންތިހާބުގެ ކެމްޕޭނުގައި ވައުދުވެވަޑައިގެންފައިވާ ކަމަށާއި އެ ހުރިހާ ކަމަކަށް ހަގީގީ ސިފައެއް ގެނެސްދެއްވާނެ ކަމަށެވެ
އެ ރަށު ހޮސްޕިޓަލުގެ ހިދުމަތްތައްވެސް ރަނގަޅު ކޮށްދެއްވާނެ ކަމަށް ވިދާޅުވިއެވެ. އަދި ވިދާޅުވީ އެއާޕޯޓުގެ ޖާގަ އާއި ހިދުމަތްތައް ރަނގަޅުކުރުމަށް މަަސައްކަތް ކުރައްވާނެ ކަމަށެވެ.
''..ފްލައިޓް ޖައްސަން ރަންވޭގެ ދިގުމިން އިތުރުކުރުން ހިމެނޭ. އެއާޕޯޓުު ބޮޑުކޮށްދީ ތަރައްގީޮށްދޭނަން'' ރައީސް ވިދާޅުވިއެވެ. އެމަނިކުފާނު ވިދާޅުވީ އެއާޕޯޓް ތަރައްގީ ކުރުމާއެކު ޓޫރިޒަޒަމްވެސް ފުޅާކުރެވިގެންދާނެ ކަމަށާއި އެ ދެ ކަންތައް އެކުއެކީގައި ކުރިއަށް ގެންދަން ނިންމާފައިވާ ކަމަށެވެ. ރަށުގެ ބަނދަރުގެ މަސައްކަތާއި ބިން އިތުރުކުރުމުގެ މަސައްކަ ކުރިއަށްދާނެ ކަމުގެ ޔަގީންކަން ރައީސް ދެއްވިއެވެ.
ރިޔާސީ އިންތިހާބުގައި ފުނަދޫއިން 70 އިންސައްތަ އެ މަނިކުފާނަށް ވަނީ ލިބިވަޑައިގެންފައިވެއެވެ. އެއީ 827 ވޯޓެވެ. ކުރީގެ ރައީސް އިބްރާހިމް މުހައްމަދު ސޯލިހަށް އެ ރަށުން ލިބިވަޑައިގެންނެވީ 349 ވޯޓެވެ. އެއީ ވޯޓުލި މީހުންގެ 29.7 އިންސައްތައެވެ. ފުނަދޫ އަކީ އަބަދުވެސް ޕީޕީއެމްއަށް ބޮޑު ތާއިދެއް އޮންނަ ރަށެކެވެ.
Ads by STO
