ވަކިވަރެއް ކަނޑައަޅައިފަ، ރޯދަ މަހު ކަރަންޓާއި ފެން ބިލް އެއަށްވުރެ ބޮޑެއް ނުވާނެ
ކުރިއަށް އޮތް ރޯދަ މަހު ކަރަންޓާއި ފެން ބިލް ބޮޑު ނުވާނެ ގޮތަށް ކެޕް ކުރަން ނިންމާފައިވާ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެއެވެ.
ބ. އޭދަފުށީ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން ރައީސް ވިދާޅުވީ, ރޯދަ މަހު ކަރަންޓު ބިލާއި ފެންބިލު ބޮޑުވާ ކަމުގެ ޝަކުވާ ލިބޭ ކަމަށާއި ނަމަވެސް މި ރޯދަ މަހު ބިލްތައް ބޮޑުނުވާނެ ކަމަށެވެ.
މި ފަހަރު އެހެން ނުވާނެ، އާއްމު މަހެއްގައި ހުންނަ ރޭޓްގައި ކެޕްކޮށްފައި، މާނަ އަކީ އެއަށްވުރެ މައްޗަށް ނުދާނެޔޭ. އާއްމު މަހެއްގައި ހުންނަ ވަރަށް ރަމަޝާން މަހު ކަރަންޓު ބިލާ ފެންބިލު ހުންނަނީ
ރައީސް ވިދާޅުވީ ރޯދަ މަހު ކޮންމެ ގޭބިސީއަކަށް 10 ކިލޯގެ ހަނޑޫ އަދި ފުށް ބަސްތާއެއް ހަދިޔާ ކުރާނެ ކަމަށެވެ.
ވިދާޅުވީ ރޯދަ މަހުގެ ފުރިހަމަ ބޭނުން ހިފޭ ގޮތަށް އަޅުކަމުގައި ހޭދަކުރަން ފުރުސަތު ދިނުމަށް ރިޔާސީ އިންތިހާބު ކެމްޕޭނުގައި ވެވަޑައިގެންނެވި ވައުދާ އެއްގޮތަށް ރަމަޝާން މަހުގެ ފަހު ދިހަ ދުވަސް އެއީ ސަރުކާރު ބަންދު ދުވަސްތަކެއްގެ ގޮތުގައި ކަނޑައަޅާފައިވާނެ ކަމަށެވެ.
''މިއިން ދުވަހަކު ރައްޔިތުންނަށް ފުރުސަތު ނުލިބޭ ގޮތަށް ވަޒީފާއަށް ދާން ނުޖެހި ފަހު ދިހައެއް ހާއްސަކޮށް އެއްކޮށް ހުސްކުރެވޭނެ މަހަކަށް. ކޮންމެއަކަސް ރައްޔިތުންގެ މަޖިލީހުން ބޭނުމެއްނުވި އެ ފުރުސަތު ރައްޔިތުންނަށްދޭކަށް އެއީ އަޅުގަނޑަށް މާނާ ނެގޭ ގޮތް.. މާފުކުރައްވާތީ ފަހު ދިހައެއްގައިވެސް ކެމްޕޭނުގައި އުޅެން މަޖުބޫރުވެފައި މިއޮތީ'' ރައީސް ވިދާޅުވިއެވެ.
