ދޮންއަދަރާދަ ހިނގުން އާންމުންނަށް ހުޅުވައިފި
ހެންވޭރުގައި އޮންނަ ދޮންއަދަރާދަ ހިނގުން ބަންދުކުރުމަށްފަހު އާންމުންނަށް ބޭނުންކުރެވޭ ގޮތަށް ހުޅުވައިފިއެވެ.
ރޭ ދޮންއަދަރާދަ މަގުގައި ބޭއްވި ޚާއްސަ ރަސްމިއްޔާތެއްގައި މަގު ހުޅުއްްވައިދެއްވީ، ޓްރާންސްޕޯޓް މިނިސްޓަރު މުހައްމަދު އަމީން އާއި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީއެވެ.
މި ރަސްމިއްޔާތުގައި ވާހަކަ ދައްކަމުން ފަހުމީ ވިދާޅުވީ ދޮންއަދަރާދަމަގު ހުޅުވާލުމުގެ މަސައްކަތަކީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިރުޝާދާއި އެކު ކުރެވުނު މަސައްކަތެއްކަމަށެވެ. ފަހުމީ ވިދާޅުވީ މާލޭގެ ރައްޔިތުންނަށް ފަސޭހަވާނެ ހުރިހާކަމެއް ކުރުމަށް ރައީސް އިރުޝާދު ދެއްވާފައިވާކަމަށެވެ.
ދޮންއަދަރާދަ ހިނގުން ބަންދުކުރީ މާލޭގެ އިތުރުވަމުންދާ ކަރަންޓުގެ ޑިމާންޑަށް ކޭޓާ ކުރުމަށްޓަކައި، ކެޕޭސިޓީ އިތުރުކުރުމަށް އޭރު ރާވާފައިވާ ފޯތު ޕަވަރ ޕްރޮޖެކްޓް ފެށުން ލަސްވެ، އެކަމަށް ހައްލެއް ހޯދުމަށްޓަކައި، ދޮންއަދަރާދަ ހިނގުމަށް ވާގޮތަށް އިންޖީނުގެއެއް އެޅުމަށެވެ.
