ފާޑުކިޔުންތައް ބޮޑުވެ، އެންމެ ފަހުން ޑެޕިއުޓީ މިނިސްޓަރު ނަމްޒާގެ އެކްސް އައިޑީ ޑީއެކްޓިވޭޓް

ދައުލަތުގެ މީޑިއާ، ޕީއެސްއެމްއިން ގެނެސްދިން ޕްރޮގްރާމެއްގައި ނުކުޅެދުންތެރިކަން ހުންނަ މީހުންނަށް މަލާމާތް ރައްދުވާ ގޮތަށް ދެއްކި ވާހަކަތަކާ ގުޅިގެން ފާޑުކިޔުންތައް އަމާޒުވެފައި ވަނިކޮށް، ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީގެ ޑެޕިއުޓީ މިނިސްޓަރު މަރިޔަމް ނަމްޒާގެ ރަސްމީ 'އެކްސް' އެކައުންޓު ޑީއެކްޓިވޭޓް ކޮށްފިއެވެ.

Ads by MWSC

ނަމްޒާއަށް ފާޑުކިޔުން އަމާޒުވީ ސިލްސިލާކޮށް، ކޮންމެ އަހަރެއްގެ ރަމަޝާން މަހު އޭނާ ހުށަހަޅައިދެމުން އަންނަ ''އިހުސާސް'' ޝޯ ގައި ބައިވެރިވި ނުކުޅެދުންތެރިކަން ހުންނަ ކުއްޖަކާއި ގުޅޭ ގޮތުންކުރި ސުވާލުތަކާއި ހެދިއެވެ.

''ތަނެއްގައި އަމިއްލަ ބާރުގައި އިށީންދެލައިގެން ނީނދެވޭނެދޯ، ކޮޅަކަށް ނުހުރެވޭނެ ދޯ" އެ ޝޯގައި ބައިވެރިވި ނުޅުދެންތެރިކަން ހުންނަ ކުއްޖެއްގެ މަންމައާ، ނަމްޒާ ސުވާލުކުރާ ވީޑިއޯއެއްގައި ސޯޝަލް މިޑިއާގައި ދައުރުކުރަމުންދާއިރު އާއްމުން ބުނަނީ އެފަދަ ސުވާލުތަކަކީ މަންމަގެ ހިތުގައި ޖެހޭ ފަދަ ސުވާލުތައް ކަމަށެވެ.

''މިއީ އަސްލު ނިކަމެތިންނަށް ގަނާކުރާ ޕްރޮގްރާމެއް ދެން، މިހެން ބުންޏަސް ވާނީ ގޯސް'' ދައުރުވަމުން އަންނަ ވީޑިއޯ އަށް މީހަކު ކުރި ޕޯސްޓެއްގައި ބުންޏެވެ.

''ވިއުސް ހޯދުމުގެ ނިޔަތުގައި ގައުމީ ޓީވީން ބަލައެއް ނުގަނެވޭނެ'' އެކްސްގައި އިނާން ނަމަކަށް ކިޔާ މީހަކު ކޮށްފައިވާ ޓްވީޓެއްގައި ބުންޏެވެ.

ނުކުޅެދުންތެރިކަން ހުންނަ މީހުންގެ ހައްގުގައި ވަކާލާތުކުރާ މުއާވިޔަތު މުހައްމަދު ދީދީ (މުތޫ) ވަނީ އެ ޕްރޮގްރާމްގައި ރަނގަޅުކުރަން ޖެހޭ ބައެއް ކަންތައްތައް ފޭސްބުކްގައި ފާހަގަކޮށްފައެވެ.