ޓޭކްއަވޭ ތަނަށް ގެއްލުން ދިން މީހާ ހަތް ދުވަހަށް ބަންދުކޮށްފި
ރޭ، ހެންވޭރު ރޯޝަނީ މަގުގައި ހިނގި މާރާމާރީއާ ގުޅިގެން ފުލުހުންގެ ހައްޔަރުކުރި ދެ މީހުންގެ ބަންދުގެ މުއްދަތު ޖަހައިފިއެވެ.
އެކަމެއް ހިނގީ ރޯޝަނީ މަގުގައި ހުންނަ ފިއުޝަން ކިޗަން ޓޭކްއަވޭ އައުޓްލެޓަކަށް މީހަކު ގެއްލުންދޭން އުޅުމުގެ ތެރޭގައެވެ.
އައުޓްލެޓަށް ގެއްލުން ދޭން އުޅުނު މީހާއާ ބަޔާކައި ދެމެދު ކުރިމަތިލުންތަކެއް ހިނގިއެވެ. އެ މީހާ އަށް ހަމަލާ ދިނުމަށް ފަހު އެ މީހުން މަސައްކަތްކުރީ ފިލަންށެވެ.
ފުލުހުން ބުނީ ހައްޔަރުކުރީ ޓޭކްއަވޭ އައުޓްލެޓަށް ގެއްލުން ދިން ކަމަށް ތުހުމަތުކުރެވޭ މީހާ އާއި މާރާމާރީ ހިންގުމަށް ފަހު ފިލަން އުޅުނު މީހުންގެ ތެރެއިން މީހެއް ކަމަށެވެ.
ކްރިމިނަލް ކޯޓުގެ އަމުރުގައިވާ ގޮތުން އެ މައްސަލާގައި ފުލުހުން ހައްޔަރުކުރީ 32 އަހަރާއި 45 އަހަރުގެ ދިވެހި ދެ ފިިރިހެނުންނެވެ.
ދަނގަޑު ބުރިއަކުން ޓޭކް އަވޭ އަށް ގެއްލުން ދިން 45 އަހަރުގެ ފިރިހެން މީހާގެ ބަންދަށް ކޯޓުން ވަނީ ދެ ދުވަސް ޖަހާފައެވެ. ކޯޓު އަމުރުގައިވާ ގޮތުން އެ މީހާ އެތަަނަށް ގެއްލުން ދީފައިވާ ކަމަށް އެކަށީގެންވާ ވަރަށް ހެކި ފުލުހުން ވަނީ ހޯދާފައެވެ.
ގެއްލުން ދިން މީހާ ގައިގައި ތަޅައި އަނިޔާކުރި ގްރޫޕުގެ މީހުންނާ ގުޅުމެއް އޮތް މީހެއް ކަށް ނުބެލެވޭތީގެ 32 އަހަރުގެ މީހާގެ ބަންދަށް ކޯޓުން ޖެހީ ދެ ދުވަހުއެވެ.
