ޝަރީއަތް ލަސްކުރަނީ ސަރުކާރުން އަތް ބާނައިގެން: ޔާމީން

އެމަނިކުފާނުގެ ޝަރިއަތް ލަސްވަނީ، ޝަރުއީ ދާއިރާއަށް ސަރުކާރުން އަތްބާނައިގެން ކަމަށް ކުރީގެ ރައީސް އަބްދުﷲ ޔާމީން މިރޭ ތުހުމަތު ކުރައްވައިފިއެވެ.

Ads by MWSC

ވ. އަތޮޅު އާރަށް ކުއްޔަށް ދޫކުރުމުގައި ހިންގި ކަމަށް ބުނާ ހިޔާނާތުގެ މައްސަލާގައި, ޔާމީނަށް އިއްވި ޖަލު ހުކުމުގެ އިސްތިއުނާފުގެ އަޑުއެހުންތައް ހައި ކޯޓުގައި ނިންމާލިތާ މިހާރު ތިން މަސް ވަނީ ވެފައެވެ.

ރާއްޖޭގައި ހިނގި އެންމެ ބޮޑު ހިޔާނަތް، އެމްއެމްޕީއާރުސީގެ ހިޔާނާތުގެ މައްސަލާގައި ހިމެނޭ އެ މުއާމަލާތުގެ ތެރެއިން، 1.1 މިލިއަން ޑޮލަރުގެ ރިޝްވަތު ނަންގަވައި އެ ފައިސާ ލޯންޑާކުރެއްވި ކަމުގެ ތުހުމަތުގައި އުފުލި ދައުވާތައް ސާބިތުވެ 11 އަހަރުގެ ޖަލު ހުކުމެއް ޔާމީނަށް އިއްވިއެވެ. އަދި ފަސް މިލިއަން ޑޮލަރުގެ ޖޫރިމަނާއެއް ދެއްކުމަށްވެސް އަމުރުކުރިއެވެ.

ޔާމީން އުފައްދަން މަސައްކަތްކުރާ ޕީޕީލް ނޭޝަނަލް ފްރޮންޓުން ބޭއްވި ޖަލްސާގައި އެމަނިކުފާނު ވަނީ ދާދި ފަހުން ރައީސް ޑރ މުހައްމަދު މުއިއްޒު ކެމްޕޭނުގެ ޑޯޓުޑޯ ހަރަކާތުގައި އުޅުއްވަނިކޮށް ހިނގައި ދިޔަ ކަންކަމާ ގުޅޭ ގޮތުން ވާހަކަފުޅު ދައްކަވާފައެވެ.

ރައްޔިތުންގެ މަޖިލީހުގެ އިންތިހާބުގައި ވާދަކުރުމުގެ ޝަރުތު ނެތް ކަމަށް ސުޕްރީމް ކޯޓުން ކަނޑައެޅި ހަސަން ޝިޔާމްގެ ސަޕޯޓަރުން ވަނީ ރައީސް ހެންވޭރުގައި ޑޯޓުޑޯ ގައި އުޅުއްވަނިކޮށް ޝަކުވާތަކެއް އޮއްސާލާފައެވެ. އެ މީހުންގެ ޝަކުވާތަކުގެ އަޑު އައްސަވާ ރައީސް ވަނީ ޖަވާބު ދެއްވާފައެވެ.

ޔާމީން ވިދާޅުވީ އެމަނިކުފާނު މިނިވަން ނުވާތީވެ ސަޕޯޓަރުން، ރައީސް އަރިހު ސުވާލު ކުރުމުންދާ ކަމަށެވެ. އެ އެ ސުވާކުރާ ކޮންމެ ފަހަރަކު ވަރަށް ބޮޑަށް މަސައްކަތްކުރައްވަމުން ގެންދަވާ ކަމަށް ވިދާޅުވެ ރައީސް އިތުރުފުޅު ހައްދަވާ ކަމަށް ވިދާޅުވިއެވެ.

''މުއިއްޒު ކުރައްވާ މަސައްކަތެއް ނޯއްނާނެ އަޅުގަނޑު މިނިވަންކުރާކަށް'' ޔާމީން ވިދާޅުވިއެވެ.

'' އަޅުގަނޑަށް އެނގިފައިވާ ގޮތުން ސަރުކާރުން އަތްބާނާއިގެން ލަސްކުރީ، އެހެންވީމާ ޕީޕީއެމްގެ އާންމު މެންބަރުންނަށް ކަންކަން އޮޅުވާލާން އުޅޭނެ ކަމެއް ނެތް'' ޔާމިން ވިދާޅުވިއެވެ.

ޖަލު ހުކުމެއް ހުއްޓަސް ޔާމީން މިވަގުތު ހުންނެވީ ގޭގައެވެ. ޔާމީން ރަށު ބަންދަށް ބަދަލުކުރީ މިދިޔަ އަހަރުގެ އޮކްޓޯބަރު މަހުގެ އެއްވަނަ ދުވަހުއެވެ. އެއަށް ފަހު މާލޭ ސަރަހައްދުގައި ހަރަކާތްތެރިވެ އުޅެވޭ ގޮތަށް އޮކްޓޯބަރު 28 ވަނަ ދުވަހު ލުއިތަކެއް ދީފައިވެއެވެ.

އެއީ އެމަނިކުފާނު އަވަސް އަވަހަށް ބޭސްފަރުވާ ބޭނުންފުޅުވާތީ ކަރެކްޝަންސް އަށް އެންގެވުމަށް ފަހު ބޭސްފަރުވާ ހޯދަން ހޮސްޕިޓަލަށް ވަޑައިގަތުމުގެ ހުއްދަ އާއި ކަސްރަތު ކުރެއްވުމަށް ޑޮކްޓަރުން އިރުޝާދު ދީފައިވާތީ ފެތުމަށާއި އެހެނިހެން ކަސްރަތު ކުރެއްވުމަށް ބޭރަށް ނުކުމެވަޑައިގަތުމުގެ ހުއްދައެވެ.