ކައްދޫ އެއާޕޯޓް އާރްސީއެލަށް ދީ، ބިން ހިއްކަން ސީއޭއެމްސީ އަށް

ކައްދޫ އެއާޕޯޓް ކުންފުނިން ހިންގަމުން ދިޔަ ލ. ކައްދޫ އެއާޕޯޓް, ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އަށް ބަދަލުކޮށްކޮށްފިއެވެ.
މިރޭ ފޮނަދޫ ރައްޔިތުންނާ ބައްދަލުކުރައްވަން ރައީސް ޑރ މުހައްމަދު މުއިއްޒު ބޭއްވި ޖަލްސާގައި ކައްދޫ އެއާޕޯޓް ތަރައްގީކުރަންވެސް ވަނީ ހަވާލުކޮށްފައެވެ. އެ މަސައްކަތް ހަވާލުކުރީ ޗައިނާގެ ސީއޭއެމްސީ އިންޖިނިއަރިން ކޯޕަރޭޝަނާއެވެ.
ސަރުކާރުގެ ފަރާތުން އެއްބަސްވުމުގައި ސޮއިކުރެއްވީ އިންފްރާސްޓްރަކްޗަރު މިނިސްޓަރު އަބްދުﷲ މުއްތޮލިބުއެވެ. ސީއޭއެމްސީގެ ފަރާތުން ސޮއިކުރެއްވީ ޖެނެރަލް މެނޭޖާ، ލީ ވެއިވެއެވެ.
<img class="aligncenter wp-image-219267 size-full" src="https://cdn.dhen.mv/wp-content/uploads/2024/04/photo_6107073101683604281_y.jpg" alt="" width="1280" height="853" />
ގާދޫގައި ގާއިމު ކުރަން ހަމަޖެހިފައިވާ މެރިޓައިމް ހަބުގެ މަސައްކަތްވެސް މިރޭ ވަނީ ކޮންޓްރެކްޓަރުންނާއި ހަވަލުކޮށްފައެވެ.
މި ކޮންޓްރެކްޓުގައި ސޮއިކޮށްފައި ވަނީ އެމްޕީއެލްގެ ސީއީއޯ، މުހައްމަދު ވަޖީހު އިބްރާހިމްއެވެ. އަދި ސީއޭއެމްސީގެ ފަރާތުން ސޮއިކުރެއްވީ ކުންފުނީގެ ޖެނެރަލް މެނޭޖަރުއެވެ.
ކައްދޫގެ އެއާޕޯޓު ތަރައްގީ ކުރުމާއި، ގާދޫގެ މެރިޓައިމް ހަބު ގާއިމުކޮށްދިނުމަކީ ރައީސް މުއިއްޒުގެ ވައުދުފުޅެކެވެ. އެއާޕޯޓައި ހަބުގެ ސަބަބުން ލާމު އަތޮޅަށް އެތައއް ކުރިއެކުމެއް އަންނާނެ ކަމަށްވެސް ރައިސް ވަނީ ފާހަގަކުރައްވާފައިއެވެ.







ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.