Sunday, 22 November 2026
Advertisement
Allied Insurance (leaderboard)
ސިޔާސީ

ޝުޖާއު އެނބުރި މަޖިލީހަށް، އެންމެ ގިނަ ވޯޓާއެކު

ޝުޖާއު އެނބުރި މަޖިލީހަށް، އެންމެ ގިނަ ވޯޓާއެކު

20ވަނަ މަޖިލީހަށް މެމްބަރުން އިންތިހާބު ކުރުމަށް އިއްޔެ ނެގި ވޯޓުގައި އެންމެ ގިނަ ވޯޓުހޯދައި، އެންމެ ބޮޑު ފަރަގަކުން ހއ. ބާރަށު ދާއިރާއަށް ސަރުކާރު ހިންގާ ޕްރޮގްރެސިވް ކޮންގްރެސް ކޯލިޝަނުން ވާދަކުރެއްވި ކެނޑިޑޭޓް އިބްރާހިމް ޝުޖާއު އިންތިހާބު ކާމިޔާބުކޮށްފިއެވެ.

ބާރަށު ދާއިރާއަށް ޝުޖާއުގެ އިތުރުން ދެ ކެނޑިޑޭޓަކު ވާދަކުރައްވާފައިވެއެވެ. އެއީ އެމްޑީޕީގެ ޓިކެޓުގައި އެ ދާއިރާއަށް ވާދަކުރެއްވި ކެނޑިޑޭޓް އަލީ އަސްގަރު އާއި އަމިއްލަގޮތުން ވާދަކުރެއްވި ކެނޑިޑޭޓް މުޖުތަބާ އަލީ އެވެ.

އެ ދާއިރާއަށް ޖުމުލަ 3،483 މީހުންނަށް ވޯޓުލުމުގެ ހައްގު ލިބިފައިވާއިރު، ވޯޓު ލައިފައިވަނީ އޭގެ ތެރެއިން 2،978 މީހުންނެވެ. ވޯޓުލީ މީހުންގެ ތެރެއިން 2،931 ވޯޓު ސައްހަ ވޯޓުގެ ގޮތުގައި ގުނިފައިވާއިރު، ޝުޖާއުއަަށް 2،447 ވޯޓު ލިބިފައިވެއެވެ. އެއީ 83.49 އިންސައްތައެވެ.

Advertisement
Allied — Dhen Online (box)

އަސްގަރު އަށް ލިބިފައިވަނީ 468 ވޯޓާއިއެކު، 15.97 އިންސައްތައެވެ. އަދި މުޖުތަބާ އަށް ލިބިފައިވަނީ 16 ވޯޓާއެކު، 0.55 އިންސައްތައެވެ.

މިހާރު މާލެ ސިޓީ ކައުންސިލްގައި ހުޅުމާލެ ދާއިރާގެ މެމްބަރު ޝުޖާއު އަކީ ބާރަށަށް އުފަން، 18 ވަނަ ރައްޔިތުންގެ މަޖިލީހުގައި ވެސް ބާރަށު ދާއިރާގެ އިންތިހާބު ކާމިޔާބު ކުރައްވައި އެ ގޮނޑި ފުރުއްވި މެންބަރެކެވެ.

ޝުޖާއު ވަނީ ޕީޕީއެމް/ޕީއެންސީ ކުރިއެރުވުމަށް ވެސް އިސްދައުރެއް އަދާކުރައްވާފައެވެ. އެގޮތުން، އެއީ އެ ކޯލިޝަން ކޯލިޝަން އިދިކޮޅުގައި އޮތް އިރު އެންމެ އިސްކޮށް ސިޔާސީ މަސައްކަތް ކުރެއްވި އެއް ބޭފުޅެކެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.