ވާދަކުރާނެ މީހަކު ނެތި ފުނަދޫ ކައުންސިލް ގޮނޑި ޕީއެންސީއަށް
ހުސްވެފައިވާ ށ. ފުނަދޫ ކައުންސިލުގެ އަންހެން މެންބަރުގެ ގޮނޑިއަށް ވާދަނުކުރާނެ މީހަކު ނެތުމުން އެ ގޮނޑި ސަރުކާރު ހިންގާ ޕީއެންސީ އަށް ލިިބިއްޖެއެވެ.
ފުނަދޫ ކައުންސިލުގެ ބައި-އިލެކްޝަން ތާވަލުކޮށްފައި އޮތީ އަންނަ މަހުގެ 8 ވަނަ ދުވަހަށެވެ.
އިލެކްޝަން ކޮމިޝަނުން މިއަދު ބުނީ، ފުނަދޫ ކައުންސިލްގެ އަންހެން މެންބަރު އިންތިހާބު ކުރުމަށް ބާއްވާ ބައި-އިލެކްޝަނަށް ކެންޑިޑޭޓުންގެ ގޮތުގައި ކުރިމަތިލުމަށް ދީފައިވާ މުއްދަތު ހަމަވިއިރު، ފުނަދޫ ކައުންސިލްގެ އަންހެން މެންބަރުކަމަށް ކުރިމަތިލާފައިވަނީ އާމިނަތު ޔުމްނާ (މާބަގީޗާގެ/ ށ. ފުނަދޫ) ކަމަށެވެ.
އެހެންވެ ލޯކަލް ކައުންސިލްތަކުގެ އިންތިހާބުގެ ގާނޫނުގެ 24 ވަނަ މާއްދާގައިވާ ގޮތުގެ މަތިން، ޔުމްނާ އިންތިހާބުވެއްޖެކަން އާންމުކޮށް އަންގައި އީސީން ވަނީ އިއުލާންކޮށްފައެވެ.
ފުނަދޫ ކައުންސިލުގެ އަންހެން މެންބަރުކު ހޮވުމަށް ބޭއްވި އިންތިހާބު ޕީއެންސީއަށް ލިބިފައިވާއިރު ދާދި ފަހުން ބޭއްވި ބައި-އިލެކްޝަންތަކުގެ ހަތަރު ގޮނޑިއެއް އެ ޕާޓީން ވަނީ ހޯދާފައެވެ.
ތިވާނީ ހަމަ މުއިއްޒުގެ ކުޅަދާނަ ކަމުން ކަމަށް. ހަވާ އެރުވުމެއް ނެތްތަ؟