މާލޭގައި ނުރައްކާތެރި އެކްސިޑެންޓެއް ހިނގައި އެކަކަށް ފަރުވާދެނީ

މާލޭގައި މިއަދު ހިނގި ނުރައްކާތެރި އެކްސިޑެންޓެއްގައި މީހަކަށް އަނިޔާވެއްޖެއެވެ.

Ads by MWSC

ފުލުހުންގެ މީޑިއާ އޮފިޝަލް ބުނީ ބުރުޒުމަގު ޓީވީއެމް ކުރިމަތިން ދެ ސައިކަލް ޖެހި އެކްސިޑެންޓެއް ހިނގާފައިވާ ކަމަށް މިއަދު 10:39 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

"މި އެކްސިޑެންޓުގައި ހަތަރު މީހަކަށް އަނިޔާވެފައިވާ ކަމަށާއި އެތަނުން އެކަކަށް އައިޖީއެމްއެޗްގައި ފަރުވާ ދެމުން އަންނަ ކަން މީޑިއާ އޮފިޝަލް ބުންޏެވެ. ނަމަވެސް އޭނާގެ ހާލަތާއި ގުޅޭ ތަފްސީލެއް ހާމައެއް ނުކުރެއެވެ.

ދާދި ފަހުން ދަރުބާރުގެ ޓްރެފިކް ލައިޓް ކައިރިން ވެސް ނުރައްކާތެރި އެކްސިޑެންޓެއް ވަނީ ހިނގާފައެވެ. އެ އެކްސިޑެންޓުގައި 19 އަހަރުގެ ދިވެހި ފިިރިހެނަކަށް އަނިޔާވެގެން އޭޑީކޭ ހޮސްޕިޓަލުގައި ދަނީ ފަރުވާދެމުންނެވެ.