ހޮޓެލް ޖެން ކައިރި ޕާކިން ޒޯނުގައި ހުރި ސައިކަލްތަކެއްގައި ރޯކޮށްލައިފި
މާލޭ ޕާކިން ޒޯނެއްގައި ޕާކުކޮށްފައި ހުރި ސައިކަލުތަކެއްގައި އަލިފާން ރޯކޮށްލައިފި އެވެ.
Ads by STELCO
މީޑިއާތަކަށް ފޮނުވި މެސެޖެއްގައި ފުލުހުން ބުނީ، މެދު ޒިޔާރަތް މަގު ހޮޓެލް ޖެން ކައިރީ ސައިކަލް ޕާކިން ޒޯނެއްގައި ހުރި ސައިކަލުތަކެއްގައި އަލިފާން ރޯކޮށްލާފައިވާ ކަމުގެ މައުލޫމާތު ދަންވަރު 3:03 ހާއިރު ރިޕޯޓްކޮށްފައިވާ ކަމަށެވެ.
ފުލުހުން ބުނީ އަލިފާން ރޯކޮށްލުމާއި ގުޅިގެން 7 ސައިކަލަކާއި ވޭނަށް ގެއްލުން ލިބިފައިވާ ކަމަށެވެ. "މީގެ ތެރެއިން 3 ސައިކަލު ވަނީ ބޭނުންނުކުރެވޭ ވަރަށް އަނދާފައި" މީޑިއާ އަށް ފޮނުވި މެސެޖުގައި ފުލުހުން ބުންޏެވެ.
އަލިފާން ރޯކޮށްލި މީހާ ދެނެގަނެ އެ މީހާ ހައްޔަރުކުރުމުގެ މަސައްކަތް ކުރަމުންދާ ކަމަށް ފުލުހުން ބުންޏެވެ.
Ads by Ooredoo
