ޝަހީމް ވިދާޅުވަނީ ހައްގު ނޫން ކަމަށް އަޑުފެތުރުނު މީހާ އަކީ ފަގީރެއް ކަން ލިޔެކިއުންތަކުން އެނގޭ ކަމަށް
ރައީސް ޑރ މުހައްމަދު މުއިއްޒު ވެވަޑައިގެންނެވި ވައުދުގެ ދަށުން ސަރުކާރުގެ ހަރަދުގައި މި އަހަރު 50 ފަގީރުން ހައްޖަށް ފޮނުވިއިރު، ފަގީރު ނޫން މީހަކު ހިމެނޭ ކަމަށް ދެކެވޭ ވާހަކަތައް އިސްލާމިކް މިނިސްޓަރު ޑރ މުހައްމަދު ޝަހީމް އަލީ ސައީދު މިއަދު ދޮގުކޮށްފި އެވެ.
ފަގީރުންގެ ޝަރުތު ހަމަނުވާ މީހަކު ހިލޭ ހައްޖަށް ފޮނުވި މީހުންގެ ލިސްޓުގައި ހިމެނޭ ވާހަކަތަކެއް ދައުރުކުރުވަން ފެށީ ދައުލަތުގެ މީޑިއާ، ޕީއެސްއެމް އިން ސޯޝަލް މީޑިއާގައި އާންމުކުރި ވީޑިއޯއަކާ ގުޅިގެންނެވެ. ހައްޖަށް ފުރަން ގޮސް ހުރި މީހަކު ޕީއެސްއެމް އަށް ދިން އިންޓަވިއުގައި އޭނާގެ ޝުއޫރު ފާޅުކޮށް ވާހަކަ ދައްކާފައިވާއިރު، އެ މީހާއަކީ ފަގީރެއް ނޫން ކަމަށް ޝޯޝަލް މީޑިއާގައި ކިޔަން ފެށި އެވެ. އެއީ ޓީޗަރެއް ކަމަށާއި އޭނާ ފަގީރުންގެ ލިސްޓުގައި ހިމެނުނީ ކިހިނެއްތޯވެސް ސުވާލުކުރި އެވެ. އެ މައްސަލަ ބަލަމުންދާ ކަމަށް މީގެ ކުރިން މީޑިއާއަކަށް ދިން އިންޓަވިއުގައި ޝަހީމް ވިދާޅުވެފައިވެ އެވެ.
މިއަދު އެއާޕޯޓުގައި ބޭއްވި ޕްރެސް ބްރީފިންގައި މިނިސްޓަރު ވިދާޅުވީ މީހަކު މަޝްހޫރުކޮށް ފެނުމަކީ އެމީހާ މުއްސަނދިކަމުގެ ހެއްކެއް ނޫން ކަމަށެވެ.
"އިއްޔެ މުއްސަނދިކޮށް ހުރި މީހަކު މިއަދު ފަގީރުވެދާނެ، މިއަދު ފަގީރުކޮށް ހުރި މީހަކު މާދަމާ މުއްސަނދި ވެދާނެ" މީހެއްގެ ޝަހުސަށް އުނިކަމެއް އަންނަ ގޮތަށް ވާހަކަ ނުދައްކަން އިލްތިމާސް ކުރަމުން މިނިސްޓަރު ވިދާޅުވި އެވެ.
ޝަހީމް ވިދާޅުވީ އެމީހާގެ ލިޔެކިޔުންތައް ބަލާފައިވާ ކަމަށާއި އޭނާ އަކީ ފަގީރުންގެ ދަފްތަރުގައި ލިސްޓުގައި އޮތް މީހެއް ކަމަށެވެ. ހިލޭ ހައްޖަށް ފޮނުވާ މީހުންގެ ލިސްޓުގައި އެ މީހާ ހިމެނުނީ ފަގީރުންގެ ލިސްޓުން ނެގި ގުރުއަތުންނެވެ.
"ފައިލް އަޅުގަނޑު ބަލާލިން، އެއީ ކޮވިޑް-19 ހާލަތާ ގުޅިގެން ފަގީރުންގެ ލިސްޓުގައި ރަޖިސްޓްރިވި މީހެއް އެއީ. އޭނާގެ ޑޮކިއުމެންޓްސް ބުނާ ގޮތުން ދިވެހިރާއްޖޭގެ ދަފްތަރަށް އެރުވުމަށްޓަކައި ބަލާ ހުރިހާ ޝަރުތުތަކެއް އޭނަގެ ފުރިހަމަވޭ. އެހެންވީމާ ޑޮކިއުމެންޓްސްތައް ފުރިހަމަކޮށް ހުރީ" ޝަހީމް ސާފުކޮށްދެއްވި އެވެ.
ފަގީރުންގެ ދަފްތަރު އެކުލަވާލުމުގެ ގަވާއިދުތަކެއް މިހާރު ވަނީ ގެޒެޓްކޮށްފަ އެވެ. ޝަހީމް ވިދާޅުވީ އެ ގަވައިދުތަކުގެ ތެރެއިން އެ ލިސްޓު ރިވިއުކުރާނެ ކަމަށެވެ.
ތީވެސް ފަގީރެއް އެހެންވީއިރު
ޓީޗަރުން ފަގީރުންގެ ލިސްޓުގަ ހިމެނެންޔާ، ހުރިހާ ސިވިލްސާވެންޓުންނަކީވެސް ފަގީރުން
އެބުނީ ނުން ފަގީރުންގެ ލިސްޓުގަ ޝަރުތު ހަމަވާ މީހެކޭ ލިޔެކިއުމުން އެނގޭނެ ފުލެޓް ދޭއިރުވެސް ބަލަނީ ލިޔެ ކިއުމުން ޝަރުތު ހަމަވޭތޯ މީހަކު ދޮގުމަޢުލޫމާތުވެސް ފޯމުފުރާއިރު ލިޔެލާނެ އެކަން ބަލާކަށް އެގެއަކަށް މިނިސްޓަރެއްނުދާނެ އެހެންވީމަ އެކަމަކަށް އެދޭމީހާ ފުރަތަމަ އިޚުލާސްތެރިވާންވީ ތިމާ މިދޭ މަޢުލޫމާތަކީ ސައްޙަ މައުލޫމާތު ނޫންކަން އެނގިހުރެ އެވަރުކަމަކަށް އެދިގެންވެސް ނުވާނެ ސަރުކާރުން ފަގީރުން ޙައްޖަށް ފުނުވަން ނިންމުމަކީ ވ ރަނގަޅު ނިންމުމެއް އެކަމުގަ ނެތް މައްސަލައެއް
މާކުރިންޓީޗަރެއްކަމުގައިވިޔަސްމިހާރު ހަމަ އޭނާ ފަޤީރުންގެ ދަފްތަރުގަހިމެނޭނެ އެތައްހާސް ކަމެއް މެދުވެރިވެދާނެ. ކިތައްމީހުންތޯ އަމިއްލަ ބޮޑެތި ކުންފުނިތަކުގައެތައްއްމުއައްޒިފުންގޮވައިގެން މުއްސަދި މަހުޖަނުންގެ ގޮތުގައިކުރީގަ އުޅެފަ ސިއްހީހާލަތާއި އެކުތަންބަގުރޫޓްވެ އަތުގައެއްޗެއްނެތުމުން ކައިރި ފިހާރަ ތަކަށްކޮންމެ ދުވަހަކުކޮންމެވެސް ކާއެއްޗެއް ލައިގެންމިހާރު ކަމެއްނެތިތިބީ. ކޮމެެންޓް ކުރާމީހުން މަލާމާތުގެ ކޮމެންޓް ކުރާއިރު ރަގަޅަށްވަނަވަރުހޯދާފަ ލިޔުނުނަމަރަގަޅުވީސް. މިއޮތް މާތް ދުވަސްތަކުގަ މިކަހަލަ ކަންތަކާއުޅުމަށް ވުރެރަގަޅުވާނެދުލުންހެޔޮ އެއްޗެއްކިއްޔާ. އެހެންނޫނަސް ފަޤީރުންގެދަފްތަރުގަ ޝަރުތު ހަމަވަންޏާ ސިވިލްސަރވިސް މުއައްޒިފުން ވެސްނަން ނޯޓްކޮށްލީމަނިމުނީ. މީހަކަށްނިއުމަތެއްލިބުނީ މަހަސަދަވެރިކަމުގެގޮތްގަޑު ދޫކޮށްލައްވާ އެކަމެއްލިބުނުމީހާއަށް މަބްރޫރުހައްޖެއް ލިބޭތޯ ދުއާކޮށްބަލަ.
ބަލަންޖެހޭނީ ލިޔެކިއު މަކަންނޫން ސަހީމް ކޮންމެ މީހަކު ފަގީރެއް ކަމައް ނިމްމިޔަސް އެމީހަކީ ފަގީރެއް އެއީ އެންމެ އިންސާވުވެރި ނިމްމުން