މާލޭ ފަތާ ޓްރެކް ސަރަހައްދުގައި އޮތް ލޯންޗެއްގައި ރޯވެއްޖެ

މާލޭ ދެކުނުފަރާތު ބޭރުތޮށިކައިރި ފަތާ ޓްރެކް ސަރަަހައްދުގެ އޮތް ލޯންޗެއްގައި އަލިފާން ރޯވެއްޖެ އެވެ.

Ads by STELCO

މީޑިއާތަކާ ހިއްސާކުރި މެސެޖެއްގައި ސިފައިން ބުނީ އެ ހާދިސާގެ ރިޕޯޓް ކޮށްފައިވަނީ މިރޭ 00:42 ހާއިރު ކަމަށެވެ.

އެމްއެންޑީއެފް ފަޔާ އެންޑް ރެސްކިޔު ސާވިސްގެ ފަޔާ ފައިޓަރުން އެ ސަރަހައްދަށް ގޮސް އަލިފާން ނިއްވާލާފައިވާއިރު އެ ހާދިސާގައި އެއްވެސް މީހަކަށް އަނިޔާ ލިބިފައިނުވާ ކަމަށް ސިފައިން ބުންޏެވެ.

ލޯންޗުގައި ރޯވެފައި ހުރި އަލިފާން ނިއްވާލެވުނީ މިރޭ 00:56 ހާއިރު އެވެ.

އަލިފާން ރޯވާން ދިމާވި ސީދާ ސަބަބެއް އަދި މިހާތަނަށް އެނގިފައެއް ނުވެ އެވެ. މައުލޫމާތު ލިބިފައިވާ ގޮތުން އަލިފާން ރޯވީ ސްޓެލްކޯގެ ލޯންޗެއްގަ އެވެ.