އެމްޑީޕީ ގައުމީ މަޖިލީހުގެ އިންތިހާބަށް ކުރިމަތިލާން ހުޅުވާލައިފި
އިދިކޮޅު އެމްޑީޕީގެ ގައުމީ މަޖިލިސްގެ ހުސްވެފައިވާ މަގާމްތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.
މިދިޔަ 5 އަހަރު ރާއްޖޭގެ ވެރިކަންކުރި އެމްޑީޕީން ބުނީ ގައުމީ މަޖިލީހުގެ އިންތިހާބު އޮންނާނީ އޮގަސްޓް މަހުގެ ދޭއްވާ ހުކުރު ދުވަހު ކަމަށެވެ.
ގައުމީ މަޖިލީހަށް ކުރިމަތިލާން ހުޅުވާލި މަގާމުތައް
- ހއ. ދިއްދޫ ދާއިރާގެ ރައީސް
- ކުޅުދުއްފުށި ސިޓީ ދެކުނު ދާއިރާގެ ރައީސް
- ހދ. މަކުނުދޫ ދާއިރާގެ ރައީސް
- ރ. އުނގޫފާރު ދާއިރާގެ ރައީސް
- ރ. އިނގުރައިދޫ ދާއިރާގެ ރައީސް
- ބ. ތުޅާދޫ ދާއިރާގެ ރައީސް
- ބ. ހިތާދޫ ދާއިރާގެ ރައީސް
- ޅ. ކުރެންދޫ ދާއިރާގެ ރައީސް
- ކ. މާފުށި ދާއިރާގެ ރައީސް
- ކ. ހުރާ ދާއިރާގެ ރައީސް
- އދ. މާމިގިލި ދާއިރާގެ ރައީސް
- އދ. ދަނގެތި ދާއިރާގެ ރައީސް
- ގއ. ދާންދޫ ދާއިރާގެ ރައީސް
- ގއ. ކޮލަމާފުށި ދާއިރާގެ ރައީސް
- ގދ. ފަރެސްމާތޮޑާ ދާއިރާގެ ރައީސް
- ފޭދޫ ދެކުނު ދާއިރާގެ ރައީސް
- ފޭދޫ އުތުރު ދާއިރާގެ ރައީސް
- މެދު ހެންވޭރު ދާއިރާގެ ރައީސް
- ހެންވޭރު އުތުރު ދާއިރާގެ ރައީސް
- ގަލޮޅު އުތުރު ދާއިރާގެ ރައީސް
- މައްޗަންގޯޅި އުތުރު ދާއިރާގެ ރައީސް
- މާފަންނު އުތުރު ދާއިރާގެ ރައީސް
- ހެންވޭރު ހުޅަނގު ދާއިރާގެ ރައީސް
- ހުޅުމާލެ މެދު ދާއިރާގެ ރައީސް
- ހުޅުމާލެ އުތުރު ދާއިރާގެ ރައީސް
- ކުޅުދުއްފުށީ ސިޓީގެ ރައީސް
- ތިނަދޫ ސިޓީގެ ރައީސް
- މާލެ ސިޓީގެ ރައީސް
ގާތްގަނޑަކަށް 50،000 އެއްހާ މެންބަރުން ތިބޭ އެމްޑީޕީން ބުނީ، އިންތިހާބަށް ކުރިމަތިލެވޭނީ ޖުލައި މަހުގެ އެކެއްގެ ނިޔަލަށް ޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވާ ފަރާތްތަކަށާއި ވޭތުވެދިޔަ 5 އަހަރު ތެރޭގައި ޕާޓީގެ އަސާސީ ގަވާއިދާއި ހިލާފުވެފައި ނުވާ މެންބަރުންނަށް ކަމަށެވެ.
އެމަގާމްތަކަށް ކުރިމަތިލާން ބޭނުންވާ މެންބަރުން އިންތިހާބަށް ކުރިމަތިލުމަށް އެދޭ ފޯމް ފުރިހަމަކުރުމަށްފަހު ޖުލައި މަހުގެ ހަތެއްވާ އާދިއްތަ ދުވަހު މެންދުރު 2:00 ގެ ކުރިން ހުށައަޅަން އެ ޕާޓީން ވަނީ އެދިފަ އެވެ.
