ކޮވިޑް-19: ހޯޑެއްދޫއިން ހާލުބޮޑުވި ދެމީހުން ވިލިނގިލި ކޮވިޑް ފެސިލިޓީއަށް ގެންދަނީ

ގދ. ހޯޑެއްދޫއިން ކޮވިޑް-19 އަށް ފައްސިވި މީހުންގެ ތެރެއިން ދެ މީހެއްގެ ހާލު ދެރަވެ، ވިލިނގިލީގައި ގާއިމްކޮށްފައިވާ ކޮވިޑް ފެސިލިޓީއަށް ބަދަލުކުރުމަށް ނިންމައިފިއެވެ.

Ads by STELCO

އޮންލައިން ނޫހެއް ކަމަށްވާ "ސަން"ގައި ރިޕޯޓު ކޮށްފައިވާ ގޮތުގައި ހޯޑެއްދޫއިން ކޮވިޑް-19 އަށް ޕޮޒިޓިވްވި އުމުރުން ދުވަސްވީ ދެ މީހަކު ވިލިނގިލީ ކޮވިޑް ފެސިލިޓީއަށް ބަދަލުކުރުމުގެ މަސައްކަތް އަންނަނީ ކުރަމުންނެވެ. އަދި މިރޭގެ ވަގުތެއްގައި މި ދެމީހުން ބަދަލު ކުރުމަށް ވަނީ ހަމަޖެހިފައެވެ.

ހޯޑެއްދޫ އިން ހާލު ދެރަވެފައިވަނީ އުމުރުން 70 އަހަރަށް ވުރެ މަތީ ދެމަފިރިންނެވެ.

ވިލިނގިލީގައި 23 އެނދުގެ ކޮވިޑް ފެސިލިޓީއެއް ހެދީ ގއ. އަތޮޅާއި ގދ. އަތޮޅުން ކޮވިޑަށް ފައްސިވެ ހައި ރިސްކު މީހުންނަށް ޚާއްޞަކޮށް ފަރުވާ ދިނުމަށެވެ. މިވަގުތު އެ ފެސިލިޓީގައި ގއ. ދާންދޫއިން ފައްސިވި ދެ މީހަކަށް އަންނަނީ ފަރުވާ ދެމުންނެވެ.