ޓެކްސް އެޕީލް ޓްރައިބިއުނަލަށް ހަތަރު މެންބަރުން އައްޔަނުކޮށްފި
ޓެކްސް އެޕީލް ޓްރައިބިއުނަލަށް ހަތަރު މެންބަރުން ރައީސް ޑރ. މުހައްމަދު މުއިއްޒު މިއަދު އައްޔަނުކުރައްވައިފި އެވެ.
ޓެކްސް އެޕީލް ޓްރައިބިއުނަލަށް ޢައްޔަނުކުރައްވާފައިވާ ހަތަރު މެންބަރުންނަކީ؛
1. ހަސަން ޒުހައިރު މުހައްމަދު، ގ. މާވާރުލު
2. އިބްރާހީމް ޝަރީފް، ގ. އަލިޝާ
3. ޝިފްޒާ ޢަބްދުލް ގައްޔޫމް، ގަސްދޮށުގެ، ގއ. ނިލަންދޫ
4. އަބްދުލް ގަނީ މުހައްމަދު، ހ. ހޯސްޓްސައިޑް
ޓެކްސް އެޕީލް ޓްރައިބިއުނަލްގެ މެންބަރުކަމުގެ މަގާމަށް ކުރިމަތިލުމުގެ ފުރުސަތު ރައީސް އޮފީހުން ހުޅުވާލީ މިދިޔަ އޮގަސްޓް މަހުގެ 29 ވަނަ ދުވަހު އެވެ.
ޓެކްސް އެޕީލް ޓައިބިއުނަލަށް އެ ހަތަރު މެންބަރުން އައްޔަނުކުރެއްވުމުގެ ކުރިން، ރައްޔިތުންގެ މަޖިލީހުން މިއަދު ވަނީ އެ ހަތަރު ބޭފުޅުންނަށް ރުހުން ދެއްވާފަ އެވެ.
ޓެކްސް އެޕީލް ޓްރައިބިއުނަލްގެ ހަތަރު މެމްބަރުންގެ މަގާމު ހުސްވީ ކުރިން އެ މަގާމުގައި ތިއްބެވި ހަތަރު މެމްބަރުން ވަކި ކުރަން ރައީސް މުއިއްޒުއަށް ލަފާ ދޭން މަޖީލިހުން ފާސްކުރުމުން އެ މެމްބަރުން ވަކި ކުރުމުން ނެވެ.
